اسلام آباد۔ 5 جنوری (اے پی پی) چیئرمین سینیٹ پاکستان، سید یوسف رضا گیلانی پاکستان پیپلز پارٹی دے بانی، شہید ذوالفقار علی بھٹو دے 98 ویں یومِ پیدائش دے موقع تے انھاں کوں زبردست خراجِ عقیدت پیش کریندیں ہوئیں آکھیے جو شہید ذوالفقار علی بھٹو دی ہمہ جہت خدمات قومی تاریخ دا روشن باب ہن جنھاں تے اڄ وی پوری قوم فخر کریندی اے۔ چیئرمین سینیٹ آکھیا جو شہید ذوالفقار …
شہید ذوالفقار علی بھٹو دی ہمہ جہت خدمات قومی تاریخ دا روشن باب ہن، چیئرمین سینیٹ
اسلام آباد۔ 5 جنوری (اے پی پی) چیئرمین سینیٹ پاکستان، سید یوسف رضا گیلانی پاکستان پیپلز پارٹی دے بانی، شہید ذوالفقار علی بھٹو دے 98 ویں یومِ پیدائش دے موقع تے انھاں کوں زبردست خراجِ عقیدت پیش کریندیں ہوئیں آکھیے جو شہید ذوالفقار علی بھٹو دی ہمہ جہت خدمات قومی تاریخ دا روشن باب ہن جنھاں تے اڄ وی پوری قوم فخر کریندی اے۔ چیئرمین سینیٹ آکھیا جو شہید ذوالفقار علی بھٹو ملک اچ جمہوریت دے فروغ، انسانی حقوق دی فراہمی تے عوامی بالادستی کیتے ناقابلِ فراموش خدمات سرانجام ݙتیاں۔ انھاں دی قیادت اچ قوم کوں متفقہ آئینِ پاکستان ملیا، جئیں وفاق کوں مضبوط بنیاداں فراہم کیتیاں تے شہریاں دے بنیادی حقوق دا تحفظ یقینی بݨایا۔ انھاں آکھیا جو دفاعِ وطن کوں ناقابلِ تسخیر بݨاوݨ کیتے شہید بھٹو دی اختیار کیتی ہوئی موثر حکمتِ عملی تے پاکستان کوں ایٹمی قوت بݨاوݨ دی بنیاد رکھݨ دا تاریخی فیصلہ قومی سلامتی دی ضمانت ثابت تھیا، جئیں پاروں پاکستان اج دشمن دی جارحیت دا بھرپور تے منہ ٻھن جواب ݙیوݨ دی صلاحیت رکھیندے۔سید یوسف رضا گیلانی آکھیا جو چیئرمین پاکستان پیپلز پارٹی بلاول بھٹو زرداری اچ او ساری قائدانہ اوصاف موجود ہن جیڑھے نوجوان نسل دی موثر قیادت کیتے ضروری ہن۔ انھاں آکھیا جو پاکستان پیپلز پارٹی جمہوریت دے استحکام، تریمتیں دے حقوق تے غریب عوام دی فلاح کیتے جو بے مثال قربانیاں ݙتن، انھاں دی مثال تاریخ اچ گھٹ ملدی اے۔ آخر اچ چیئرمین سینیٹ آکھیا جو اساکوں آپݨی قیادت تے اوندے مشن تے فخر اے تے پاکستان پیپلز پارٹی عوامی خدمت، جمہوری اقدار تے سماجی انصاف دے پندھ کوں ہر حال اچ جاری رکھیسی۔
