اسلام آباد۔ 5 جنوری (اے پی پی) وزیراعظم محمد شہباز شریف جامعہ اشرفیہ لاہور دے مہتمم اعلیٰ تے شیخ الحدیث حافظ فضل الرحیم اشرفی دے انتقال تے ݙکھ تے افسوس دا اظہار کریندیں ہوئیں انھاں دی خدمات کوں خراجِ عقیدت پیش کیتے۔ سنوار کوں وزیراعظم آفس دے میڈیا ونگ توں جاری بیان موجب وزیراعظم آکھیا جو حافظ فضل الرحیم اشرفی ہک جید عالمِ دین، ممتاز محدث تے دینی تعلیم دے …
وزیراعظم شہباز شریف دی جامعہ اشرفیہ لاہور دے مہتمم اعلیٰ حافظ فضل الرحیم اشرفی دے انتقال تے تعزیت
اسلام آباد۔ 5 جنوری (اے پی پی) وزیراعظم محمد شہباز شریف جامعہ اشرفیہ لاہور دے مہتمم اعلیٰ تے شیخ الحدیث حافظ فضل الرحیم اشرفی دے انتقال تے ݙکھ تے افسوس دا اظہار کریندیں ہوئیں انھاں دی خدمات کوں خراجِ عقیدت پیش کیتے۔ سنوار کوں وزیراعظم آفس دے میڈیا ونگ توں جاری بیان موجب وزیراعظم آکھیا جو حافظ فضل الرحیم اشرفی ہک جید عالمِ دین، ممتاز محدث تے دینی تعلیم دے فروغ اچ نمایاں خدمات انجام ݙیوݨ آلی عظیم شخصیت ہن، انھاں آپݨی پوری زندگی قرآن تے سنت دی تعلیم، دینی اقدار دے فروغ تے اخلاقی تربیت کیتے وقف کر رکھی ہئی جیندے توں بے شمار طلبہ تے علماء فائدہ چاتا۔ وزیراعظم آکھیا جو مرحوم دی علمی تے دینی خدمات کوں ہمیشہ یاد رکھا ویسی اتے انھاں دے انتقال نال ٻݨݨ آلا خلا مدتاں تئیں پورا نہ تھی سڳسی۔ وزیراعظم مرحوم دے اہل خانہ، جامعہ اشرفیہ دی انتظامیہ، اساتذہ، طلبہ تے عقیدت منداں نال دلی ہمدردی تے تعزیت دا اظہار کریندیں ہوئیں دعا کیتی جو اللہ تعالیٰ مرحوم کوں آپݨے جوارِ رحمت اچ ڄاہ عطا فرماوے اتے پسماندگان کوں صبرِ جمیل عطا کرے۔
