اسلام آباد۔ 5 جنوری (اے پی پی) سپیکر قومی اسمبلی سردار ایاز صادق آکھیے جو اپوزیشن مذاکرات شروع کرݨ کیتے اڄاں رابطہ کائنی کیتا، مذاکرات اچ میݙا کردار صرف سہولت کار دا اے، قومی اسمبلی اچ اپوزیشن لیڈر دی تقرری دا عمل آندے پارلیمانی اجلاس اچ شروع کیتا ویسی۔ سنوار کوں پارلیمنٹ ہاؤس اچ ذرائع ابلاغ دے نمائندیاں نال غیر رسمی ڳالھ مہاڑ کریندیں ہوئیں انھاں آکھیا جو وزیراعظم شہباز …
اپوزیشن مذاکرات شروع کرݨ کیتے اڄاں تئیں رابطہ کائنی کیتا، قومی اسمبلی اچ اپوزیشن لیڈر دی تقرری دا عمل آندے پارلیمانی اجلاس اچ شروع کیتا ویسی، سردار ایاز صادق
اسلام آباد۔ 5 جنوری (اے پی پی) سپیکر قومی اسمبلی سردار ایاز صادق آکھیے جو اپوزیشن مذاکرات شروع کرݨ کیتے اڄاں رابطہ کائنی کیتا، مذاکرات اچ میݙا کردار صرف سہولت کار دا اے، قومی اسمبلی اچ اپوزیشن لیڈر دی تقرری دا عمل آندے پارلیمانی اجلاس اچ شروع کیتا ویسی۔ سنوار کوں پارلیمنٹ ہاؤس اچ ذرائع ابلاغ دے نمائندیاں نال غیر رسمی ڳالھ مہاڑ کریندیں ہوئیں انھاں آکھیا جو وزیراعظم شہباز شریف دی ہدایت تے بنگلہ دیش دی سابق وزیراعظم خالدہ ضیا دی نمازِ جنازہ اچ شرکت کیتے میں بنگلہ دیش دا دورہ کیتا، انھاں دی نمازِ جنازہ اچ بنگلہ دیشی عوام دے نال شرکت کیتی، بنگلہ دیش دے عوام ولوں پاکستانی وفد دا گرم جوشی نال استقبال کیتا ڳیا۔ ڈھاکہ اچ بھارتی وزیرِ خارجہ جے شنکر خود آ تے میݙے نال مصافحہ کیتا۔ ڈھاکہ اچ بنگلہ دیش دی عبوری حکومت دے سربراہ محمد یونس نال ملاقات انتہائی خوشگوار ماحول اچ تھئی جیندے اچ پارلیمانی تے عوامی سطح دے روابط کوں فروغ ݙیوݨ تے اتفاق تھیا۔ انھاں آکھیا جو بنگلہ دیش دے دورے دے دوران اتھوں دے عوام توں جیڑھی والہانہ محبت تے خلوص ملیا، او ہمیشہ یاد رہسی۔ سپیکر سردار ایاز صادق آکھیا جو او ایوان اچ آپݨے کردار اچ مکمل طور تے خودمختار ہن، کمیٹی نظام آئینی تقاضیاں دے مطابق مکمل فعال اے۔ ہک سوال دے جواب اچ انھاں آکھیا جو اپوزیشن نال مذاکرات اچ میݙا کردار صرف سہولت کار دا اے، اپوزیشن نے ڈائیلاگ شروع کرݨ کیتے اجاں تئیں باضابطہ رابطہ کائنی کیتا۔
