نائب وزیرِ اعظم تے وزیرِ خارجہ سینیٹر محمد اسحاق ڈار چین دے کامیاب دورے دے بعد وطن واپس روانہ

بیجنگ۔ 5 جنوری (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار 3 توں 5 جنوری 2026ء تئیں چین دے کامیاب دورے دے بعد بیجنگ توں پاکستان کیتے روانہ تھی ڳئے۔ نائب وزیرِ اعظم تے وزیرِ خارجہ 2026ء اچ پہلے وزیرِ خارجہ ہن جنھاں کوں چینی وزیرِ خارجہ وانگ یی ملاقات کیتے سݙوایا ہئی۔ سنوار کوں دفترِ خارجہ توں جاری بیان دے مطابق دورے اچ نائب وزیرِ اعظم تے وزیرِ خارجہ سینیٹر محمد اسحاق ڈار وزیرِ خارجہ وانگ یی دے نال مل تے ستویں پاکستان۔چین سٹریٹجک ڈائیلاگ دی مشترکہ صدارت کیتی۔ ایندے علاوہ انھاں چین دے ایگزیکٹو نائب وزیرِ اعظم ڈنگ شیوے شیانگ، کمیونسٹ پارٹی آف چائنا دے بین الاقوامی شعبے دے وزیر لیو ہائی شنگ، چائنا انٹرنیشنل ڈویلپمنٹ کوآپریشن ایجنسی دے چیئرمین چن شیاوڈونگ تے چائنا من میٹلز کارپوریشن دے نائب صدر شو جی چنگ نال وی ملاقاتاں کیتیاں۔ ایں دورے دے دوران پاکستان تے چین وچال سفارتی تعلقات دے 75 ویں سالگرہ دے سلسلے اچ یادگاری تقریبات دا باضابطہ آغاز وی کیتا ڳیا۔