اسلام آباد۔ 5 جنوری (اے پی پی) وزیر اعظم محمد شہباز شریف سنوار دے ݙینہہ بنگلہ دیش دی سابق وزیر اعظم تے بنگلہ دیش نیشنلسٹ پارٹی دی چیئرپرسن بیگم خالدہ ضیاء دے انتقال تے تعزیت کیتے بنگلہ دیش دے ہائی کمیشن ڳئے جِتھاں انھاں بنگلہ دیش دی ناظم الامور نال خالدہ ضیاء دے انتقال تے تعزیت دا اظہار کیتا اتے مرحومہ دے ایصالِ ثواب کیتے فاتحہ خوانی کیتی۔وزیر اعظم آفس …
وزیر اعظم شہباز شریف دی بنگلہ دیش ہائی کمیشن آمد، بنگلہ دیشی ناظم الامور نال خالدہ ضیاء دے انتقال تے تعزیت
اسلام آباد۔ 5 جنوری (اے پی پی) وزیر اعظم محمد شہباز شریف سنوار دے ݙینہہ بنگلہ دیش دی سابق وزیر اعظم تے بنگلہ دیش نیشنلسٹ پارٹی دی چیئرپرسن بیگم خالدہ ضیاء دے انتقال تے تعزیت کیتے بنگلہ دیش دے ہائی کمیشن ڳئے جِتھاں انھاں بنگلہ دیش دی ناظم الامور نال خالدہ ضیاء دے انتقال تے تعزیت دا اظہار کیتا اتے مرحومہ دے ایصالِ ثواب کیتے فاتحہ خوانی کیتی۔وزیر اعظم آفس دے میڈیا ونگ توں جاری بیان دے مطابق وزیر اعظم مہماناں دی کتاب اچ آپݨا تعزیتی بیان تحریر کیتا جیندے اچ انھاں بیگم خالدہ ضیاء کوں زبردست خراجِ عقیدت پیش کریندیں ہوئیں انھاں کوں ہک صاحبِ بصیرت رہنما تے نامور سیاسی شخصیت قرار ݙتا جنھاں آپݨی زندگی عوامی خدمت کیتے وقف کر ݙتی ہئی۔ بیگم خالدہ ضیاء کوں پاکستان تے ایندے عوام دی مخلص دوست تے خیر خواہ دے طور تے یاد کریندیں ہوئیں وزیراعظم آکھیا جو انھاں لازوال تے متاثر کن میراث چھوڑی اے۔ پاکستان دی حکومت تے عوام ولوں وزیراعظم بیگم خالدہ ضیاء دے اہل خانہ، انھاں دی پارٹی دے کارکنان تے بنگلہ دیش دی عوام نال دلی تعزیت دا اظہار کیتا اتے دعا کیتی جو اللہ تعالیٰ انھاں کوں جنت الفردوس اچ اعلیٰ مقام عطا فرماوے۔ وفاقی وزیرِ اطلاعات تے نشریات عطا اللہ تارڑ تے معاونِ خصوصی طارق فاطمی وی وزیر اعظم دے نال ہن۔
