اسلام آباد۔ 6 جنوری (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار نال ایران دے سفیر رضا امیری مقدم منگل کوں اتھاں ملاقات کیتی۔ دفترِ خارجہ توں جاری بیان دے مطابق ایرانی سفیر نائب وزیرِ اعظم کوں ایران دے وزیرِ خارجہ عباس عراقچی ولوں نویں سال دی مبارکباد پیش کیتی اتے انھاں دے ناں ہک خط وی پڄایا۔ سینیٹر محمد اسحاق ڈار مبارکباد دا گرمجوشی …
نائب وزیرِ اعظم سینیٹر محمد اسحاق ڈار نال ایرانی سفیر رضا امیری مقدم دی ملاقات، وزیرِ خارجہ عباس عراقچی دا خط وی پڄایا
اسلام آباد۔ 6 جنوری (اے پی پی) نائب وزیرِ اعظم تے وزیرِ خارجہ سینیٹر محمد اسحاق ڈار نال ایران دے سفیر رضا امیری مقدم منگل کوں اتھاں ملاقات کیتی۔ دفترِ خارجہ توں جاری بیان دے مطابق ایرانی سفیر نائب وزیرِ اعظم کوں ایران دے وزیرِ خارجہ عباس عراقچی ولوں نویں سال دی مبارکباد پیش کیتی اتے انھاں دے ناں ہک خط وی پڄایا۔ سینیٹر محمد اسحاق ڈار مبارکباد دا گرمجوشی نال جواب ݙتا۔ ملاقات دے دوران ایرانی سفیر مختلف ݙوپاسہ ادارہ جاتی میکانزم دے تحت تعاون کوں ٻیا مضبوط بݨاوݨ کیتے کیتی ونڄݨ آلی پیش رفت توں نائب وزیرِ اعظم کوں آگاہ کیتا۔ ایں موقع تے نائب وزیرِ اعظم اہم ترجیحی شعبیاں اچ ایران دے نال تعلقات کوں ٻیا ودھاوݨ کیتے پاکستان دے عزم دا اعادہ کیتا۔
