شنگھائی۔ 6 جنوری (اے پی پی) وفاقی وزیرِ داخلہ تے نارکوٹکس کنٹرول محسن نقوی شنگھائی دے شہری منصوبہ بندی دے ہیڈ کوارٹر دا دورہ کیتا۔ شنگھائی اربن پلاننگ دی ہیڈ میڈم چن وزیرِ داخلہ محسن نقوی دا استقبال کیتا۔ وزیرِ داخلہ کوں شنگھائی شہر دی ماسٹر پلاننگ، ڈویلپمنٹ تے سہولیات دے بارے تفصیلی بریفنگ ݙتی ڳئی۔ وزیرِ داخلہ محسن نقوی کوں شنگھائی اچ شہری سہولیات دے نال ترقی دے تیز …
وفاقی وزیرِ داخلہ تے نارکوٹکس کنٹرول محسن نقوی دا شنگھائی دے شہری منصوبہ بندی دے ہیڈ کوارٹر دا دورہ
شنگھائی۔ 6 جنوری (اے پی پی) وفاقی وزیرِ داخلہ تے نارکوٹکس کنٹرول محسن نقوی شنگھائی دے شہری منصوبہ بندی دے ہیڈ کوارٹر دا دورہ کیتا۔ شنگھائی اربن پلاننگ دی ہیڈ میڈم چن وزیرِ داخلہ محسن نقوی دا استقبال کیتا۔ وزیرِ داخلہ کوں شنگھائی شہر دی ماسٹر پلاننگ، ڈویلپمنٹ تے سہولیات دے بارے تفصیلی بریفنگ ݙتی ڳئی۔ وزیرِ داخلہ محسن نقوی کوں شنگھائی اچ شہری سہولیات دے نال ترقی دے تیز رفتار نظام دے بارے ݙسایا ڳیا۔ انھاں کوں ویڈیوز تے ماڈلز دے ذریعے شنگھائی دے ترقی دے سفر تے ماسٹر پلان دے بارے ݙسیا۔ انھاں شنگھائی دے جدید سہولیات نال لیس سٹیڈیم دا ماڈل وی ݙٹھا۔ محسن نقوی شنگھائی اربن پلاننگ دے تحت تمام معلومات کوں جدید طرز تے کٹھا (یکجا) کرݨ دے نظام اچ گہری دلچسپی دا اظہار کیتا اتے جدید ٹیکنالوجی تے مبنی نظام دی تعریف کیتی۔ وفاقی سیکرٹری داخلہ محمد خرم آغا، چیف کمشنر اسلام آباد محمد علی رندھاوا تے آئی جی اسلام آباد پولیس علی ناصر رضوی وی ایں موقع تے موجود ہن۔
