اسلام آباد۔ 7 جنوری (اے پی پی) وفاقی وزیر انفارمیشن ٹیکنالوجی تے ٹیلی کمیونیکیشن شزہ فاطمہ خواجہ آکھیے جو وزیراعظم شہباز شریف دا ڈیجیٹل نیشن پاکستان (DNP) وژن حکومت دی ڈیجیٹل پالیسیاں دی بنیاد اے۔ وزارتِ آئی ٹی توں جاری بیان دے مطابق دبئی دی مشہور رئیل سٹیٹ کمپنی "داماک پراپرٹیز" دے سجوانی بزنس وفد دا وزارت آمد تے وفاقی وزیر شزہ فاطمہ خواجہ استقبال کیتا۔ ایں موقع تے وفد …
وزیراعظم شہباز شریف دا ڈیجیٹل نیشن پاکستان وژن حکومت دی ڈیجیٹل پالیسیاں دی بنیاد اے، وفاقی وزیر شزہ فاطمہ خواجہ دی سجوانی وفد نال گفتگو
اسلام آباد۔ 7 جنوری (اے پی پی) وفاقی وزیر انفارمیشن ٹیکنالوجی تے ٹیلی کمیونیکیشن شزہ فاطمہ خواجہ آکھیے جو وزیراعظم شہباز شریف دا ڈیجیٹل نیشن پاکستان (DNP) وژن حکومت دی ڈیجیٹل پالیسیاں دی بنیاد اے۔ وزارتِ آئی ٹی توں جاری بیان دے مطابق دبئی دی مشہور رئیل سٹیٹ کمپنی “داماک پراپرٹیز” دے سجوانی بزنس وفد دا وزارت آمد تے وفاقی وزیر شزہ فاطمہ خواجہ استقبال کیتا۔ ایں موقع تے وفد کوں پاکستان دے ڈیجیٹائزیشن وژن تے تریمتیں دی ڈیجیٹل شمولیت تے تفصیلی بریفنگ ݙتی ڳئی۔ ݙوہیں دھڑیاں دے درمیان آؤٹ سورسنگ دے مواقع، ٹیک ٹیلنٹ دی پہچان تے پراپرٹی ٹیکنالوجی تے ٹوکنائزیشن دے ذریعے بہتری گھن آوݨ تے تفصیلی ڳالھ مہاڑ تھئی۔ وفد کوں وزیراعظم رمضان پیکج دے تحت بینظیر انکم سپورٹ پروگرام (BISP) دے ذریعے پنج لکھ تریمتیں دے ڈیجیٹل والٹس (Digital Wallets) کھولݨ دے بارے وی ݙسایا ڳیا۔ سجوانی گروپ دے وفد پاکستانی نینگراں دی صلاحیتاں تے ڈیجیٹلائزیشن دے نظام کوں سراہندے ہوئیں پاکستان اچ سرمایہ کاری دے وسیع مواقع تے اعتماد دا اظہار کیتا۔
