نائب وزیرِ اعظم سینیٹر محمد اسحاق ڈار دی صدارت اجلاس، پاکستان دی میزبانی اچ تریمتیں بارے او آئی سی دی 9 ویں وزارتی کانفرنس دی تیاریاں دا جائزہ

اسلام آباد۔ 7 جنوری (اے پی پی) نائب وزیرِ اعظم اتے وزیرِ خارجہ سینیٹر محمد اسحاق ڈار پاکستان دی میزبانی اچ تریمتیں بارے تھیوݨ آلی او آئی سی (OIC) دی 9 ویں وزارتی کانفرنس دی تیاریاں دے حوالے نال بݨائی ڳئی کمیٹی دے اجلاس دی صدارت کیتی۔ ٻدھ دے ݙینہہ دفترِ خارجہ دے مطابق اجلاس دے دوران نائب وزیرِ اعظم متعلقہ اداریاں کوں ہدایت ݙتی جو انتظامی امور، لاجسٹکس تے موضوعاتی نشستاں کوں حتمی شکل ݙتی ونڄے اتے ایں ڳالھ کوں یقینی بݨایا ونڄے جو ساری وزارتاں اتے او آئی سی سیکرٹریٹ دے درمیان قریبی رابطہ تے ہم آہنگی رہوے۔ انھاں آکھیا جو آوݨ آلی کانفرنس تریمتیں دے حقوق دے فروغ تے سماجی، معاشی تے سیاسی شعبیاں اچ انھاں دے کردار کوں مضبوط بݨاوݨ کیتے پاکستان دے پکے عزم دی عکاسی کریندی اے۔ اجلاس اچ وفاقی وزیرِ قانون سینیٹر اعظم نذیر تارڑ، وزیراعظم دے معاونِ خصوصی طارق باجوہ تے ٻئے اعلیٰ حکام شرکت کیتی۔