اسلام آباد۔ 7 جنوری(اے پی پی) وفاقی وزیر ہاؤسنگ اینڈ ورکس میاں ریاض حسین پیرزادہ آکھیے جو پاکستان وچ قومی سطح تے ٹینس دے کھیݙ وچ مسلسل بہتری خوش آئند اے تے اے پیشرفت کھیݙاں دے روشن مستقبل دی عکاس اے۔ او پاکستان ٹینس فیڈریشن وچ منعقد تھئی ہک تقریب نال خطاب کریندے پئے ہن جِتھاں انھاں ملک وچ کھیݙاں خاص طور تے ٹینس دے ودھارے تے ترقی کیتے سیف …
پاکستان وچ قومی سطح تے ٹینس دے کھیݙ وچ مسلسل بہتری چنڳی ڳالھ اے ،وفاقی وزیر ہاؤسنگ میاں ریاض حسین پیرزادہ
اسلام آباد۔ 7 جنوری(اے پی پی) وفاقی وزیر ہاؤسنگ اینڈ ورکس میاں ریاض حسین پیرزادہ آکھیے جو پاکستان وچ قومی سطح تے ٹینس دے کھیݙ وچ مسلسل بہتری خوش آئند اے تے اے پیشرفت کھیݙاں دے روشن مستقبل دی عکاس اے۔ او پاکستان ٹینس فیڈریشن وچ منعقد تھئی ہک تقریب نال خطاب کریندے پئے ہن جِتھاں انھاں ملک وچ کھیݙاں خاص طور تے ٹینس دے ودھارے تے ترقی کیتے سیف اللہ خاندان تے انھاں دے گروپ آف کمپنیز دیاں خدمات کوں قابلِ تحسین قرار ݙتا۔وزیر ہاؤسنگ اینڈ ورکس اپݨے خطاب وچ آکھیا جو کھیݙ نینگراں دی مثبت تربیت تے صحت مند معاشرے دے قیام وچ اہم کردار ادا کریندن۔ انھاں ٹینس دے ودھارے وچ نجی شعبے دے کردار دی تعریف کریندے آکھیے سیف اللہ خاندان دی سرپرستی پاکستان وچ ایں کھیݙ کوں نویں جہت ݙتی اے۔ میاں ریاض حسین پیرزادہ 1980ء دی ݙھاکے دے آخر وچ بیگم کلثوم سیف اللہ نال تھیوݨ آلی اپݨی ملاقات کوں یاد کریندے انھاں کوں ہک متحرک، باوقار تے وژنری شخصیت قرار ݙتا۔ انھاں ایں ڳالھ دا اعتراف کیتا جو بیگم کلثوم سیف اللہ پاکستان دی پہلی خاتون وفاقی وزیر ہن تے انھاں قومی سیاست تے سماجی شعبے وچ ٻہوں اہم خدمات انجام ݙتیاں۔
