راولپنڈی۔ 8 جنوری (اے پی پی) چیف آف آرمی سٹاف تے چیف آف ڈیفنس فورسز فیلڈ مارشل سید عاصم منیر نشانِ امتیاز (ملٹری)، ہلالِ جرأت لاہور گیریژن دا دورہ کیتا جِتھاں انھاں کوں فارمیشن دی آپریشنل تیاری، تربیتی معیار تے جنگی صلاحیت اچ اضافے کیتے چاتے ڳئے اہم اقدامات تے جامع بریفنگ ݙتی ڳئی۔ پاک فوج دے شعبہ تعلقات عامہ (آئی ایس پی آر) دے مطابق چیف آف آرمی سٹاف …
فیلڈ مارشل سید عاصم منیر دا لاہور گیریژن دا دورہ، فارمیشن دی آپریشنل تیاری اتے جنگی صلاحیت اچ اضافے بارے اہم اقدامات تے جامع بریفنگ
راولپنڈی۔ 8 جنوری (اے پی پی) چیف آف آرمی سٹاف تے چیف آف ڈیفنس فورسز فیلڈ مارشل سید عاصم منیر نشانِ امتیاز (ملٹری)، ہلالِ جرأت لاہور گیریژن دا دورہ کیتا جِتھاں انھاں کوں فارمیشن دی آپریشنل تیاری، تربیتی معیار تے جنگی صلاحیت اچ اضافے کیتے چاتے ڳئے اہم اقدامات تے جامع بریفنگ ݙتی ڳئی۔ پاک فوج دے شعبہ تعلقات عامہ (آئی ایس پی آر) دے مطابق چیف آف آرمی سٹاف تے چیف آف ڈیفنس فورسز ایں موقع تے ہک خاص فیلڈ ٹریننگ ایکسرسائز دا مشاہدہ کیتا جیندے اچ جدید ترین ٹیکنالوجیز دا عملی مظاہرہ کیتا ڳیا۔ انھاں فوجی جواناں کیتے فراہم کیتی ڳئی کھیݙاں تے تفریحی سہولتاں دا وی معائنہ کیتا اتے جسمانی فٹنس تے حوصلے کیتے انھاں دی اہمیت کوں اجاگر کیتا۔ چیف آف آرمی سٹاف سی ایم ایچ لاہور اچ قائم ہائی کیئر سینٹر دا وی دورہ کیتا تے طبی عملے دی کوششاں کوں سراہیا۔ افسراں نال خطاب کریندیں ہوئیں انھاں قومی سلامتی کوں درپیش کہیں وی خطرے دے خلاف پاک فوج دی “زیرو ٹالرنس” پالیسی تے زور ݙتا اتے ایں عزم دا اعادہ کیتا جو ادارہ پیشہ ورانہ مہارت نال چیلنجز دا مقابلہ کریسی۔ انھاں آکھیا جو پاکستان دی مسلح افواج ملک دی خودمختاری، علاقائی سالمیت تے داخلی استحکام دے تحفظ کیتے پرعزم ہن۔ ایندے توں پہلے لاہور گیریژن پڄݨ تے کور کمانڈر لاہور چیف آف آرمی سٹاف دا استقبال کیتا۔
