اسلام آباد۔ 8 جنوری (اے پی پی) نائب وزیراعظم اتے وزیرِ خارجہ سینیٹر محمد اسحاق ڈار بنگلہ دیش، انڈونیشیا، ملائیشیا، مصر تے میانمار دے وزرائے خارجہ نال اڄوکے ݙینھاں ٹیلیفون تے ڳالھ مہاڑ دے دوران ݙوپاسہ تعلقات سودھے ایشیا تے مشرقِ وسطیٰ دی صورتحال تے ڳالھ مہاڑ کیتی۔ اے ڳالھ دفترِ خارجہ دے ترجمان طاہر حسین اندرابی خمیس کوں ہفتہ وار پریس بریفنگ اچ ݙسائی۔ ترجمان آکھیا جو ملائیشیا دے …
نائب وزیراعظم محمد اسحاق ڈار دی بنگلہ دیش، انڈونیشیا، ملائیشیا، مصر تے میانمار دے وزرائے خارجہ نال ٹیلیفونک گفتگو، ݙوپاسہ تعلقات اتے علاقائی صورتحال تے ڳالھ مہاڑ، ترجمان دفترِ خارجہ
اسلام آباد۔ 8 جنوری (اے پی پی) نائب وزیراعظم اتے وزیرِ خارجہ سینیٹر محمد اسحاق ڈار بنگلہ دیش، انڈونیشیا، ملائیشیا، مصر تے میانمار دے وزرائے خارجہ نال اڄوکے ݙینھاں ٹیلیفون تے ڳالھ مہاڑ دے دوران ݙوپاسہ تعلقات سودھے ایشیا تے مشرقِ وسطیٰ دی صورتحال تے ڳالھ مہاڑ کیتی۔ اے ڳالھ دفترِ خارجہ دے ترجمان طاہر حسین اندرابی خمیس کوں ہفتہ وار پریس بریفنگ اچ ݙسائی۔ ترجمان آکھیا جو ملائیشیا دے وزیرِ خارجہ محمد بن حاجی حسن نال ڳالھ مہاڑ اچ نائب وزیراعظم ݙوپاسہ تعلقات دی موجودہ صورتحال دا جائزہ گھدا تے بدلدی ہوئی علاقائی صورتحال تے ڳالھ مہاڑ کیتی۔ ݙوہیں پاسوں مسلسل مشاورت دی اہمیت تے زور ݙتا ڳیا تے تمام سطحاں تے قریبی رابطے اچ رہݨ تے اتفاق کیتا ڳیا۔ انھاں آکھیا جو 6 جنوری کوں نائب وزیراعظم میانمار دے وزیرِ خارجہ یو تھان سوے نال وی ٹیلیفونک ڳالھ کیتی۔ انڈونیشیا دے وزیرِ خارجہ سوگیونو نال ڳالھ مہاڑ اچ نائب وزیراعظم پاک-انڈونیشیا تعلقات، صومالیہ دی صورتحال تے غزہ اچ پکے امن کیتے جاری کوششاں تے ڳالھ کیتی۔ ترجمان ݙسیا جو مصر دے وزیرِ خارجہ بدر احمد محمد عبدالعاطی نال ڳالھ مہاڑ اچ نائب وزیراعظم موجودہ علاقائی صورتحال دا جائزہ گھدا تے آپسی دلچسپی دے سارے شعبیاں اچ تعاون کوں ودھاوݨ دے عزم دا اعادہ کیتا۔
