اسلام آباد۔ 8 جنوری (اے پی پی) نائب وزیراعظم اتے وزیر خارجہ سینیٹر محمد اسحاق ڈار ایں ہفتے دے دوران سعودی عرب دے وزیر خارجہ شہزادہ فیصل بن فرحان دے نال ݙو واری ٹیلیفونک رابطہ کر تے یمن متعلق سعودی وزارت خارجہ دے بیان دا خیر مقدم کیتا اتے خطے دی صورتحال کوں پیار محبت نال حل کرݨ کیتے سارے فریقاں دی کوششاں کوں سراہیا۔ ترجمان دفتر خارجہ طاہر حسین …
نائب وزیراعظم محمد اسحاق ڈار ایں ہفتے دے دوران سعودی وزیر خارجہ نال ݙو واری ٹیلیفونک رابطہ کیتا، ترجمان دفتر خارجہ
اسلام آباد۔ 8 جنوری (اے پی پی) نائب وزیراعظم اتے وزیر خارجہ سینیٹر محمد اسحاق ڈار ایں ہفتے دے دوران سعودی عرب دے وزیر خارجہ شہزادہ فیصل بن فرحان دے نال ݙو واری ٹیلیفونک رابطہ کر تے یمن متعلق سعودی وزارت خارجہ دے بیان دا خیر مقدم کیتا اتے خطے دی صورتحال کوں پیار محبت نال حل کرݨ کیتے سارے فریقاں دی کوششاں کوں سراہیا۔ ترجمان دفتر خارجہ طاہر حسین اندرابی خمیس دے ݙینہہ ہفتہ وار پریس بریفنگ اچ آکھیا جو نائب وزیراعظم ایں ڳالھ تے زور ݙتا جو خطے اچ سارے متعلقہ فریق کہیں وی قسم دے اشتعال انگیز اقدام توں پرے رہن تے علاقائی امن تے استحکام کیتے مسئلیاں کوں ڳالھ مہاڑ تے سفارت کاری نال حل کیتا ونڄے۔ ترجمان آکھیا جو نائب وزیراعظم محمد اسحاق ڈار متحدہ عرب امارات دے نائب وزیراعظم تے وزیر خارجہ شیخ عبداللہ بن زاید النہیان نال وی ڳالھ کیتی۔ انھاں ایں ڳالھ دی تعریف کیتی جو ڳالھ مہاڑ تے سفارت کاری دے پکے نتیجے سامݨے آندے پئن۔ ترجمان ٻیا ݙسایا جو ترکیہ دے وزیر خارجہ حقان فیدان نال ڳالھ مہاڑ اچ نائب وزیراعظم تجارت، ٹیکنالوجی، سیاحت تے انفارمیشن ٹیکنالوجی سودھے آپسی دلچسپی دے سارے شعبیاں اچ تعاون ودھاوݨ دے طریقیاں تے غور کیتا۔
