اسلام آباد۔ 8 جنوری(اے پی پی) وفاقی وزیرصحت سید مصطفیٰ کمال آکھیے جو پاکستان آوݨ آلے ݙینھاں وچ کلینیکل ٹرائلز دا علاقائی حب بݨݨ ویندا پئے، ایں مقصد کیتے ڈریپ (DRAP) بائیو سٹڈی رولز وچ ضروری ترامیم کیتیاں ویندیاں پئن۔ اے ڳالھ انہاں اپݨی صدارت وچ تھئے جائزہ اجلاس وچ آکھی۔انھاں آکھیا جو کلینیکل ٹرائلز دے ودھارے سانڳے سارے ضروری اقدامات کیتے ویندے پئن تاں جو ہک تکھا تے شفاف …
پاکستان آندے ݙینھاں وچ کلینیکل ٹرائلز دا علاقائی مرکز بݨݨ ویندا پئے، سید مصطفیٰ کمال
اسلام آباد۔ 8 جنوری(اے پی پی) وفاقی وزیرصحت سید مصطفیٰ کمال آکھیے جو پاکستان آوݨ آلے ݙینھاں وچ کلینیکل ٹرائلز دا علاقائی حب بݨݨ ویندا پئے، ایں مقصد کیتے ڈریپ (DRAP) بائیو سٹڈی رولز وچ ضروری ترامیم کیتیاں ویندیاں پئن۔ اے ڳالھ انہاں اپݨی صدارت وچ تھئے جائزہ اجلاس وچ آکھی۔انھاں آکھیا جو کلینیکل ٹرائلز دے ودھارے سانڳے سارے ضروری اقدامات کیتے ویندے پئن تاں جو ہک تکھا تے شفاف نظام بݨایا ونڄ سڳے جیندے وچ ساریاں درخواستاں آن لائن جمع تھیسن۔ انھاں آکھیا جو پاکستان وچ کلینیکل ٹرائلز دے ودھارے کیتے ہک قومی سمٹ وی کرائی ویسی جیندے وچ ملکی تے بین الاقوامی ماہرین شرکت کریسن۔ حکومتِ پاکستان نویں ٹیکنالوجی تے جدید دوائیں کوں مارکیٹ وچ گھن آوݨ کیتے ساریاں سہولتاں ݙیسی تاں جو پاکستان عالمی سطح تے تحقیق دے میدان وچ نمایاں مقام حاصل کرسڳے۔
