اسلام آباد۔ 8 جنوری (اے پی پی) وزیراعظم محمد شہباز شریف پاکستان سپر لیگ (PSL) کیتے ٹیماں دے آکشن دے مرحلے دی کامیابی تے پاکستان کرکٹ بورڈ کوں مبارخ ݙیندے آکھیے جو پی ایس ایل خطے دی وݙی لیگز وچ ساریں توں اڳوں تھی ڳئی اے، ملک وچ کھیݙاں دیاں رونقاں ول بحال تھی ڳئن۔وزیراعظم دفتردے میڈیا ونگ توں جاری بیان موجب وزیراعظم چیئرمین پاکستان کرکٹ بورڈ محسن رضا نقوی …
وزیراعظم محمد شہباز شریف دی پی ایس ایل کیتے ٹیماں دے آکشن دی کامیابی تے پی سی بی کوں مبارخ
اسلام آباد۔ 8 جنوری (اے پی پی) وزیراعظم محمد شہباز شریف پاکستان سپر لیگ (PSL) کیتے ٹیماں دے آکشن دے مرحلے دی کامیابی تے پاکستان کرکٹ بورڈ کوں مبارخ ݙیندے آکھیے جو پی ایس ایل خطے دی وݙی لیگز وچ ساریں توں اڳوں تھی ڳئی اے، ملک وچ کھیݙاں دیاں رونقاں ول بحال تھی ڳئن۔وزیراعظم دفتردے میڈیا ونگ توں جاری بیان موجب وزیراعظم چیئرمین پاکستان کرکٹ بورڈ محسن رضا نقوی تے پی ایس ایل کراوݨ وچ شریک انھاں دی ٹیم دیاں کوششاں دی تعریف کریندے آکھیا جو وقت دے نال نال الحمدللہ پی ایس ایل خطے دی وݙی لیگز وچ سرِ فہرست بݨ ڳئی اے۔ وزیراعظم آکھیا جو پی ایس ایل وچ ݙو نویاں ٹیماں دا آکشن ملک وچ کرکٹ دے ودھارے کیتے ہک اہم سنگِ میل اے، ݙو نویاں ٹیماں دی شمولیت سپر لیگ وچ ہک نویں روح پھوک ݙتی اے۔ انھاں آکھیا جو نویاں ٹیماں وچ ٻاہرلی سرمایہ کاری پی ایس ایل دی بین الاقوامی سطح تے مقبولیت تے کامیابی دا پکا ثبوت اے، پی ایس ایل دے ایں سال دے کھیݙاں نال نہ صرف کرکٹ دے شائقین خوش تھیسن بلکہ نویں تے نینگر ٹیلنٹ کوں وی موقع ملسی۔
