اسلام آباد۔ 9 جنوری (اے پی پی) وزیراعظم محمد شہباز شریف کمزور تے سفید پوش طبقے دی مالی معاونت تے سماجی تحفظ کوں حکومت دی پہلی ترجیح قرار ݙیندیں ہوئیں آکھیے جو پہلے توں وی زیادہ موثر تے بہتر رمضان پیکج کیتے سفارشات تیار کیتی ونڄن اتے امدادی رقوم دی ادائیگی صرف ڈیجیٹل والٹس دے ذریعے یقینی بݨائی ونڄے۔ جمے دے ݙینہہ وزیراعظم آفس دے میڈیا ونگ توں جاری بیان …
موثر تے بہتر رمضان پیکج کیتے سفارشات تیار کیتی ونڄن، امدادی رقوم دی ادائیگی ڈیجیٹل والٹس دے ذریعے یقینی بݨائی ونڄے، وزیراعظم شہباز شریف دی جائزہ اجلاس اچ ہدایات
اسلام آباد۔ 9 جنوری (اے پی پی) وزیراعظم محمد شہباز شریف کمزور تے سفید پوش طبقے دی مالی معاونت تے سماجی تحفظ کوں حکومت دی پہلی ترجیح قرار ݙیندیں ہوئیں آکھیے جو پہلے توں وی زیادہ موثر تے بہتر رمضان پیکج کیتے سفارشات تیار کیتی ونڄن اتے امدادی رقوم دی ادائیگی صرف ڈیجیٹل والٹس دے ذریعے یقینی بݨائی ونڄے۔ جمے دے ݙینہہ وزیراعظم آفس دے میڈیا ونگ توں جاری بیان دے مطابق وزیراعظم محمد شہباز شریف دی صدارت اچ وفاقی حکومت دے مجوزہ رمضان تے پچھلے سال دے رمضان پیکج دی تھرڈ پارٹی ویلیڈیشن تے جائزہ اجلاس تھیا۔ وزیراعظم سارے متعلقہ اداریاں تے وزارتیں دی پچھلے سال رمضان پیکج دی شفافیت تے مستند آڈٹ ادارے دی رپورٹ دی تعریف کریندیں ہوئیں آکھیا جو پچھلے سال توں وفاقی حکومت غریب عوام کوں رمضان پیکج دی بدولت سستے نرخاں تے کھاوݨ پیوݨ دی چیزاں فراہم کرݨ کیتے شفاف نظام ترتیب ݙتے۔ ملک اچ کئی ݙہاکیاں توں جاری یوٹیلٹی سٹورز دے ذریعے مالی بے ضابطگیاں، بدنظمی تے غریباں دے استحصال دا پراݨا نظام حکومت ہک شفاف نظام اچ تبدیل کر ݙتے۔ وزیراعظم ہدایت کیتی جو سارے متعلقہ ادارے آوݨ آلے رمضان المبارک کیتے پچھلے سال توں وی ودھ موثر تے فائدہ مند پیکج تے سفارشات تیار کرن۔ انھاں آکھیا جو یوٹیلٹی سٹورز اچ بدعنوانی پاروں مستحق لوک اپݨے حق توں محروم ہن۔ انھاں ہدایت کیتی جو غریب عوام اچ رمضان پیکج دی امدادی رقوم دی فراہمی ڈیجیٹل والٹس دے ذریعے کیتی ونڄے تانجو عوام دی عزتِ نفس مجروح نہ تھیوے، اے قدم “کیش لیس” معیشت دے حصول کیتے وی ہک سنگِ میل ثابت تھیسی۔ وزیراعظم آکھیا جو موثر نگرانی کیتے ڈیجیٹل ڈیش بورڈ تے منظم مانیٹرنگ دا نظام بݨایا ونڄے۔ بریفنگ اچ ݙسایا ڳیا جو بینظیر انکم سپورٹ پروگرام اچ سوشل پروٹیکشن والٹ نظام رائج کیتا ویندا پئے جیندے تحت مستحق لوکاں اچ مفت سمز ونڈی ویندیاں پئن اتے مارچ 2026 توں ساری امدادی رقم ایں سم دے ذریعے ڈیجیٹلی ونڈی ویسی۔
