پاکستان دی انٹربینک مارکیٹ وچ امریکی ڈالر دے مقابلے وچ پاکستانی روپے دی قدر وچ ودھارا ریکارڈ

اسلام آباد۔ 9 جنوری (اے پی پی) پاکستان دی انٹربینک مارکیٹ وچ امریکی ڈالر دے مقابلے وچ پاکستانی روپے دی قدر وچ ودھارا ریکارڈ کیتا ڳئے۔ سٹیٹ بینک آف پاکستان موجب انٹربینک مارکیٹ وچ امریکی ڈالر دے مقابلے وچ پاکستانی روپے دی قدر وچ 03 پیسے دا ودھارا ریکارڈ کیتا ڳئے جیندے بعد ایندی نویں قیمت 280 روپے 02 پیسے تھی ڳئی اے۔انٹربینک مارکیٹ وچ سعودی ریال دی قدر 74 روپے 67 پیسے جݙاں جو بحرینی دینار دی قدر 742 روپے 85 رہی۔ ایویں عمانی ریال دی انٹربینک مارکیٹ وچ قدر 727 روپے 35 پیسے رہی، کویتی دینار دی قدر 916 روپے 30 پیسے اتے قطری ریال دی قدر 76 روپے 61 پیسے ریکارڈ کیتی ڳئی۔ ݙوجھے پاسے اوپن مارکیٹ وچ امریکی ڈالر دی قیمتِ خرید 280 روپے 75 پیسے اتے قیمتِ فروخت 282 روپے 80 پیسے ریکارڈ کیتی ڳئی۔