ملک اچ موسم ٹھڈا، رُکھا، پہاڑی علاقیں وچ زور دا پالا پووݨ دا امکان اے، محکمہ موسمیات

اسلام آباد۔ 9 جنوری (اے پی پی)آندے 24 گھنٹے ملک دے ٻہوں سارے علاقیں اچ موسم ٹھڈا تے رُکھا جݙاں جو پہاڑی علاقیں وچ زور دا پالا پووݨ دا امکان اے ۔ پنجاب، اُتلے سندھ تے خیبر پختونخوا دے میدانی علاقیں وچ وچلی تے زور دی کوہیڑ اتے خطہ پوٹھوہار تے کشمیر وچ سویرے کجھ جہیں تے کورا  پووݨ دا امکان اے۔محکمہ موسمیات موجب گزریل 24 گھنٹے دے دوران ملک دے ٻہوں سارے علاقیں اچ موسم ٹھڈا تے رکھا رہیا ۔ ایں دوران جیوانی وچ 2 ملی میٹر مینھ ریکارڈ تھیا ۔ پنجاب، اتلے سندھ تے خیبر پختونخوا دے میدانی زیادہ تر ضلعیں وچ وچلی توں زور دی کوہیڑ پئی ۔ اڄ دے ݙینھ ریکارڈ کیتے ڳئے گھٹ توں گھٹ درجہ حرارت وچ لہہ منفی 14، سکردو منفی 12، استور منفی 11، گوپس منفی 09، ہنزہ تے قلات منفی 08، گلگت، بگروٹ تے کالام وچ منفی 06 ڈگری سینٹی گریڈ ریکارڈ کیتا ڳئے۔