اسلام آباد۔ 10 جنوری (اے پی پی) وزیراعظم محمد شہباز شریف خیبرپختونخوا وچ سکیورٹی فورسز دی طرفوں فتنہ الخوارج دے خلاف کامیاب آپریشنز تے افسراں تے جواناں کوں شاباش ݙیندے شمالی وزیرستان تے کرم وچ کارروائیاں دے دوران 11 خوارج کوں جہنم رسید کرݨ تے سکیورٹی فورسز دے افسراں تے جواناں دی پیشہ ورانہ صلاحیتاں دی تعریف کیتی اے۔ وزیراعظم دفتر دے میڈیا ونگ توں جاری بیان موجب وزیراعظم دہشت …
وزیراعظم شہباز شریف دا خیبرپختونخوا وچ فتنہ الخوارج دے خلاف کامیاب آپریشنز تے سکیورٹی فورسز کوں خراجِ تحسین
مزید خبراں
اسلام آباد۔ 10 جنوری (اے پی پی) وزیراعظم محمد شہباز شریف خیبرپختونخوا وچ سکیورٹی فورسز دی طرفوں فتنہ الخوارج دے خلاف کامیاب آپریشنز تے افسراں تے جواناں کوں شاباش ݙیندے شمالی وزیرستان تے کرم وچ کارروائیاں دے دوران 11 خوارج کوں جہنم رسید کرݨ تے سکیورٹی فورسز دے افسراں تے جواناں دی پیشہ ورانہ صلاحیتاں دی تعریف کیتی اے۔ وزیراعظم دفتر دے میڈیا ونگ توں جاری بیان موجب وزیراعظم دہشت گردی دے عذاب دے ملک توں مکمل خاتمے تئیں ایندے خلاف جنگ جاری رکھݨ دے عزم دا اظہار کریندے آکھیا جو افواجِ پاکستان تے پولیس دے جوان ݙینھ رات ملک دشمن عناصر دے خلاف لڑدے پئن۔ انھاں آکھیا جو ساݙے بہادر تے فرض شناس افسراں تے جواناں دے ہوندے ہوئیں دشمن پاکستان دے پاسے میلی اکھ نال ݙیکھݨ دی ہمت نی کر سڳدا۔ وزیراعظم آکھیا جو او خود تے پوری قوم سکیورٹی فورسز دے نال مونڈھے نال مونڈھا رلا تے کھڑی اے۔
