چیئرمین سینیٹ دا سینئرصحافی شکیل انجم دی ذال دے انتقال تے اظہارِ تعزیت

اسلام آباد۔ 10 جنوری(اے پی پی) چیئرمین سینیٹ سید یوسف رضا گیلانی نیشنل پریس کلب اسلام آباد دے سابق صدر تے روزنامہ “دی نیوز” دے سینئر رپورٹر شکیل انجم دی ذال دے انتقال تے ݙکھ تے افسوس کیتے۔ سینیٹ سیکرٹریٹ میڈیا ڈائریکٹوریٹ توں جاری تعزیتی پیغام وچ چیئرمین سینیٹ آکھیا جو مرحومہ دا انتقال شکیل انجم تے انھاں دے گھر آلیں سانڳے ہک ٻہوں اوکھا، صبر آزما تے دلخراش سانحہ اے۔ انھاں آکھیا جو ایں المناک واقعے نال نہ صرف شکیل انجم بلکہ انھاں دے پورے خاندان کوں ہک ایجھا ضیان تھئے جیندی تلافی ممکن کائنی۔ سید یوسف رضا گیلانی ݙکھی خاندان نال دلی ہمدردی دا اظہار کیتا تے دعا کیتی جو اللہ تعالیٰ مرحومہ کوں اپݨی جوارِ رحمت وچ جاہ ݙیوے تے پسماندگان کوں اے وݙا صدمہ برداشت کرݨ کیتے صبرِ جمیل عطا فرماوے۔