صدر آصف علی زرداری دا ایل وائی-80 (این) میزائل تے لوئٹرنگ میونیشن دے کامیاب تجربے تے پاک بحریہ کوں خراجِ تحسین

اسلام آباد۔ 10 جنوری (اے پی پی) صدرِ مملکت آصف علی زرداری ایل وائی-80 (این) میزائل تے لوئٹرنگ میونیشن دے کامیاب تجربے تے پاک بحریہ دی پیشہ ورانہ صلاحیتاں کوں خراجِ تحسین پیش کیتے۔ایوانِ صدر دے پریس وِنگ توں جاری بیان موجب صدرِ مملکت پاک بحریہ کوں شمالی بحیرہِ عرب وچ کامیاب تے جامع مشق تے مبارخ ݙیندے پاک بحریہ دے جدید فضائی دفاعی، سطح توں فضا وچ حملہ کرݨ آلے تے خودکار نظاماں دی موثر کارکردگی تے اطمینان دا اظہار کیتا۔ انھاں آکھیا جو خودکار سطحی جہاز دے کامیاب اوپن سی ٹرائلز ملک دی سمندری حدود دے دفاع کیتے اہم پیشرفت اے۔ صدرِمملکت پاک بحریہ دے افسراں تے جواناں دی پیشہ ورانہ مہارت تے آپریشنل تیاری دی تعریف کیتی۔