پاک بحریہ دا شمالی بحیرہِ عرب وچ ایل وائے 80 این ایئر ڈیفنس میزائل دا کامیاب تجربہ

راولپنڈی۔ 10 جنوری (اے پی پی) پاک بحریہ ولوں شمالی بحیرہِ عرب وچ ایل وائے 80 این ایئر ڈیفنس میزائل دا ہدف کوں نشانہ بݨاوݨ دا کامیاب تجربہ کیتا ڳئے۔آئی ایس پی آر موجب پاک بحریہ مشق دے دوران جدید تے بغیر پائلٹ نظاماں دے ذریعے جنگی تیاریاں دا شاندار مظاہرہ کیتا، ایل وائے 80 این میزائل لمبی دوری تے فضائی ہدف کوں کامیابی نال تباہ کر ݙتا۔ مشق وچ لوئٹرنگ میونیشن دے ذریعے سطحی اہداف کوں کامیابی نال نشانہ بݨایا ڳیا، بغیر پائلٹ سطحی جہاز دے کامیاب اوپن سی ٹرائلز مکمل کیتے ڳئے، یو ایس وی (USV) تکھی رفتار، اعلیٰ کنٹرول تے موسمی سختیاں وچ اپݨی کارکردگی ثابت کر ݙتی اے۔ کمانڈر پاکستان فلیٹ بحری مشق دا مشاہدہ کیتا، امیر البحر ایڈمرل نوید اشرف افسراں تے جواناں دی پیشہ ورانہ صلاحیتاں دی تعریف کیتی تے آکھیا جو پاک بحریہ ہر صورت ملکی سمندری سرحداں دے دفاع کیتے پرعزم اے۔