اسلام آباد دے سیکٹر جی سیون ٹو وچ سلنڈر دھماکہ، گھوٹ تے کنوار سودھے 6 بندے جاں بحق تے 9 زخمی ، ایڈیشنل ڈپٹی کمشنر جنرل صاحبزادہ محمد یوسف

اسلام آباد۔ 11 جنوری (اے پی پی) وفاقی دارالحکومت اسلام آباد دے سیکٹر جی سیون ٹو وچ سلنڈر دھماکے نال کئی گھر متاثر تھئے جݙاں جو گھوٹ تے کنوار سودھے 6 بندے جاں بحق تے 9 زخمی تھی ڳئن۔ ڈی سی اسلام آباد دی ہدایت تے ایڈیشنل ڈپٹی کمشنر جنرل صاحبزادہ محمد یوسف موقع تے پڄ ڳئے۔ضلعی انتظامیہ موجب ایڈیشنل ڈپٹی کمشنر جنرل صاحبزادہ محمد یوسف ایں حوالے نال آکھیے جو دھماکے دے نتیجے وچ کئی گھر متاثر تھئن تے متاثرہ گھراں توں مجموعی طور تے 15 لوکاں کوں ریسکیو کیتا ڳئے۔ انھاں آکھیا جو ریسکیو کیتے ڳئے 15 لوکاں وچوں 6 بندے جاں بحق تھی ڳئن تے ٻئے 9 زخمی لوکاں کوں وقتی ہسپتال منتقل کیتا ڳئے۔ ایڈیشنل ڈپٹی کمشنر جنرل آکھیا جو واقعے دے بعد پمز ہسپتال دی انتظامیہ کوں الرٹ کر ݙتا ڳیا تے زخمیاں کوں طبی امداد ݙیوݨ دا سلسلہ جاری اے۔ انھاں مزید آکھیا جو سلنڈر دا دھماکہ شادی آلے گھر وچ تھیا، شادی دی تقریب وچ شرکت کیتے مہمان وی گھر وچ موجود ہن۔ صاحبزادہ محمد یوسف آکھیا جو دھماکے وچ جاں بحق لوکاں وچ گھوٹ  تے کنوار  وی شامل ہن۔ انھاں آکھیا جو دھماکے دی وجہ توں مجموعی طور تے 4 گھر متاثر تھئن، ریسکیو آپریشن دے بعد ملبے تلے دٻئے سارے لوکاں کوں ٻاہر کڈھ ڳھدا ڳئے