جدہ۔ 11 جنوری(اے پی پی)نائب وزیراعظم تے وزیر خارجہ سینیٹر محمد اسحاق ڈار نے او آئی سی وزراء خارجہ کونسل دے غیر معمولی اجلاس دے موقع تے او آئی سی دے سیکرٹری جنرل حسین ابراہیم طٰہ نال ملاقات کیتی۔ وزارتِ خارجہ توں جاری بیان موجب نائب وزیراعظم و وزیرِ خارجہ اسرائیل ولوں وفاقی جمہوریہ صومالیہ دے علاقے ’’صومالی لینڈ‘‘ کوں تسلیم کرݨ دی سخت مذمت کریندے صومالیہ دی خودمختاری، وحدت …
نائب وزیراعظم محمد اسحاق ڈار دی او آئی سی دے سیکرٹری جنرل حسین ابراہیم طٰہ نال ملاقات
جدہ۔ 11 جنوری(اے پی پی)نائب وزیراعظم تے وزیر خارجہ سینیٹر محمد اسحاق ڈار نے او آئی سی وزراء خارجہ کونسل دے غیر معمولی اجلاس دے موقع تے او آئی سی دے سیکرٹری جنرل حسین ابراہیم طٰہ نال ملاقات کیتی۔ وزارتِ خارجہ توں جاری بیان موجب نائب وزیراعظم و وزیرِ خارجہ اسرائیل ولوں وفاقی جمہوریہ صومالیہ دے علاقے ’’صومالی لینڈ‘‘ کوں تسلیم کرݨ دی سخت مذمت کریندے صومالیہ دی خودمختاری، وحدت تے علاقائی سالمیت کیتے پاکستان دی پکی حمایت دا اعادہ کیتا۔ فلسطینیاں دی کہیں وی قسم دی جبری بے دخلی دی تجویزاں کوں ݙوٹوک انداز وچ مسترد کریندے انھاں مسئلہ فلسطین تے پاکستان دے اصولی موقف کوں دہرایا۔ نائب وزیراعظم و وزیرِ خارجہ او آئی سی دے سیکرٹری جنرل تے زور ݙتا جو او کشمیری عوام دے حقِ خودارادیت دے حصول کیتے اپݨی کوششاں کوں مزید تکھا کرن۔ او آئی سی دے سیکرٹری جنرل مسلم امہ دے بنیادی مسئلیں دی حمایت وچ او آئی سی دے پلیٹ فارم تے پاکستان دے مستقل تے تعمیری کردار دی تعریف کیتی۔
