اسلام آباد۔ 11 جنوری(اے پی پی) صدر مملکت آصف علی زرداری اسلام آباد وچ گیس سلنڈر دھماکے وچ قیمتی انسانی جاناں دے ضیان تے ݙکھ تے تشویش دا اظہار کیتے۔ ایوانِ صدر دے پریس ونگ توں جاری بیان وچ صدرِمملکت دھماکے وچ جاں بحق تھیوݨ آلیں نال دلی تعزیت تے ہمدردی دا اظہار کیتا تے زخمیاں دی وقتی صحت یابی کیتے دعا کیتی۔ صدر مملکت آکھیا جو اے سانحہ ٻہوں …
صدرمملکت آصف علی زرداری دا گیس سلنڈر دھماکے وچ قیمتی انسانی جاناں دے ضیان تے ݙکھ تے افسوس
اسلام آباد۔ 11 جنوری(اے پی پی) صدر مملکت آصف علی زرداری اسلام آباد وچ گیس سلنڈر دھماکے وچ قیمتی انسانی جاناں دے ضیان تے ݙکھ تے تشویش دا اظہار کیتے۔ ایوانِ صدر دے پریس ونگ توں جاری بیان وچ صدرِمملکت دھماکے وچ جاں بحق تھیوݨ آلیں نال دلی تعزیت تے ہمدردی دا اظہار کیتا تے زخمیاں دی وقتی صحت یابی کیتے دعا کیتی۔ صدر مملکت آکھیا جو اے سانحہ ٻہوں افسوسناک تے دل ہلا ݙیوݨ آلا اے، قوم ݙکھی خانداناں دے ݙکھ اچ برابر دی شریک اے۔ انھاں ہدایت کیتی جو متعلقہ ریگولیٹرز گیس سلنڈرز دی تیاری، معیار تے استعمال بارے حفاظتی ضابطیں تے سختی نال عملدرآمد یقینی بݨاون۔ صدرِ مملکت صوبائی حکومتاں تے اسلام آباد انتظامیہ کوں ہدایت کیتی جو گیس سلنڈرز دے محفوظ استعمال بارے عوامی آگاہی مہم شروع کرن۔ صدر آصف علی زرداری آکھیا جو قیمتی انسانی جاناں دا تحفظ ریاست دی اولین ذمہ واری اے، ایجھے سانحیں کوں روکݨ کیتے موثر اقدامات ٻہوں ضروری ہن۔
