فیصل آباد۔ 11 جنوری (اے پی پی) وزیرِ مملکت داخلہ محمد طلال چوہدری آکھیے جو وزیراعظم محمد شہباز شریف تے وزیراعلیٰ پنجاب مریم نواز تعمیر و ترقی تے عوامی خدمت دی سیاست تے یقین رکھیندن، اساں کھوکھلے نعریں دی بجائے عملی طور تے کم کرݨ کوں ترجیح ݙیندوں، حلقے وچ ترقیاتی کم ترجیحی بنیاداں تے جاری ہن، عوام نال کیتے ڳئے وعدے پورے کیتے ویندے پئن۔اے ڳالھ انہاں پاکستان مسلم …
حکومت تعمیر و ترقی تے عوامی خدمت دی سیاست تے یقین رکھیندی اے، اساں کھوکھلے نعریں دی بجائے عملی طور تے کم کرݨ کوں ترجیح ݙیندوں، طلال چوہدری
فیصل آباد۔ 11 جنوری (اے پی پی) وزیرِ مملکت داخلہ محمد طلال چوہدری آکھیے جو وزیراعظم محمد شہباز شریف تے وزیراعلیٰ پنجاب مریم نواز تعمیر و ترقی تے عوامی خدمت دی سیاست تے یقین رکھیندن، اساں کھوکھلے نعریں دی بجائے عملی طور تے کم کرݨ کوں ترجیح ݙیندوں، حلقے وچ ترقیاتی کم ترجیحی بنیاداں تے جاری ہن، عوام نال کیتے ڳئے وعدے پورے کیتے ویندے پئن۔اے ڳالھ انہاں پاکستان مسلم لیگ (ن) ضلع فیصل آباد دے سینئر نائب صدر آفتاب اکبر چوہدری دی سربراہی وچ وفد نال اپݨی رہائش گاہ تے ملاقات اچ آکھی۔ ایں موقع تے وفد سینیٹر طلال چوہدری تے رکنِ قومی اسمبلی بلال بدر چوہدری دی خصوصی گزارش تے وزیراعلیٰ پنجاب مریم نواز ولوں سیوریج تے شہر کیتے 5 ارب روپے دی خصوصی گرانٹ، اڈا اواگت گرلز ڈگری کالج دے قیام دی منظوری، زنانیاں کیتے ووکیشنل انسٹی ٹیوٹ دی منظوری، ٹی ایچ کیو دی اپ گریڈیشن، میونسپل کمیٹی جڑانوالہ کوں میونسپل کارپوریشن دا درجہ ݙیوݨ، منڈی بچیانہ وچ میونسپل کمیٹی بݨاوݨ، کالجاں تے سکولاں کوں کروڑاں روپے دی گرانٹ، سڑکاں دی تعمیر و مرمت کیتے ارباں روپے، جڑانوالہ توں فیصل آباد الیکٹرک بساں دی منظوری، پوسٹ گریجویٹ کالج وچ یونیورسٹی کیمپس تے دیہاتاں وچ بجلی و گیس دے منصوبیں دی منظوری تے اہل جڑانوالہ ولوں خصوصی شکریہ ادا کیتا۔ آفتاب اکبر چوہدری وفاقی وزیرِ مملکت کوں جاری منصوبیں تے بریفنگ ݙتی، جیندے تے طلال چوہدری انھاں کوں مکمل تعاون دا یقین ݙوایا۔
