لاہور۔ 11 جنوری (اے پی پی) وزیراعظم محمد شہباز شریف آکھیے جو پاکستانی نینگراں کوں بین الاقوامی معیار دی آئی ٹی شعبے دی تعلیم و تربیت ݙیوݨ حکومت دی اولین ترجیحات وچ شامل اے، آئی ٹی دی ترقی کیتے بݨائی ڳئی عرفہ کریم فاؤنڈیشن دا قیام ہک خوش آئند عمل اے جیندی حکومتی سطح تے ہر ممکن مدد کوں یقینی بݨایا ویسے۔ وزیراعظم دفتر دے میڈیا ونگ توں جاری بیان …
پاکستانی نینگراں کوں بین الاقوامی معیار دی آئی ٹی شعبے دی تعلیم و تربیت ݙیوݨ حکومت دی اولین ترجیحات وچ شامل اے، وزیراعظم شہباز شریف
لاہور۔ 11 جنوری (اے پی پی) وزیراعظم محمد شہباز شریف آکھیے جو پاکستانی نینگراں کوں بین الاقوامی معیار دی آئی ٹی شعبے دی تعلیم و تربیت ݙیوݨ حکومت دی اولین ترجیحات وچ شامل اے، آئی ٹی دی ترقی کیتے بݨائی ڳئی عرفہ کریم فاؤنڈیشن دا قیام ہک خوش آئند عمل اے جیندی حکومتی سطح تے ہر ممکن مدد کوں یقینی بݨایا ویسے۔ وزیراعظم دفتر دے میڈیا ونگ توں جاری بیان موجب انہاں اے ڳالھ آئی ٹی ماہر مرحومہ عرفہ کریم رندھاوا دے والدین ثمینہ امجد، امجد کریم رندھاوا تے عرفہ کریم فاؤنڈیشن دی چیف ایگزیکٹو تابندہ اسلام نال ڳالھ مہاڑکریندے آکھی جنھاں وزیراعظم نال ملاقات کیتی۔ وزیراعظم عرفہ کریم دی گھٹ عمری وچ آئی ٹی دے میدان وچ خدمات تے پاکستان دا ناں روشن کرݨ تے انھاں کوں خراجِ تحسین پیش کیتا۔ وزیراعظم آکھیا جو عرفہ کریم دی آئی ٹی شعبے وچ لازوال خدمات دے اعتراف وچ لاہور دے آئی ٹی ٹاور کوں مرحومہ دے ناں نال منسوب کیتا ڳئے جیڑھا ہݨ عرفہ کریم ٹاور دے ناں نال جاݨیا ویندے۔ وزیراعظم آکھیا جو نینگراں کوں آئی ٹی دی تعلیم تے انٹرپرینیورشپ دی حوصلہ افزائی کیتی ویندی پئی اے، اڄوکے سال وی وفاقی حکومت ولوں لائق طلباء وچ لیپ ٹاپ ونڈئے ویندے پئن۔ مرحومہ دے والدین وزیراعظم دی قیادت وچ آئی ٹی دی ترقی کیتے حکومتی اقدامات دی تعریف کیتی۔
