لاہور۔ 12 جنوری (اے پی پی) وفاقی وزیر اطلاعات تے نشریات عطاء اللہ تارڑ آکھیے جو مسلم لیگ (ن) دی قیادت عوام دی خدمت دے مشن تے کاربند اے، معیشت اچ استحکام تے ترقی دی رفتار بہتر ݙٹھی ویندی پئی اے۔ پچھلے سال مئی اچ عسکری فتح تے معاشی اقدامات پاروں پاکستان کوں عالمی سطح تے عزت تے وقار حاصل تھئے۔اے ڳالھیں انھاں آپݨی والدہ تے مسلم لیگ (ن) دی …
مسلم لیگ (ن) دی قیادت عوام دی خدمت دے مشن تے کاربند اے، معیشت اچ استحکام تے ترقی دی رفتار بہتر ݙٹھی ویندی پئی اے، عطاء اللہ تارڑ
لاہور۔ 12 جنوری (اے پی پی) وفاقی وزیر اطلاعات تے نشریات عطاء اللہ تارڑ آکھیے جو مسلم لیگ (ن) دی قیادت عوام دی خدمت دے مشن تے کاربند اے، معیشت اچ استحکام تے ترقی دی رفتار بہتر ݙٹھی ویندی پئی اے۔ پچھلے سال مئی اچ عسکری فتح تے معاشی اقدامات پاروں پاکستان کوں عالمی سطح تے عزت تے وقار حاصل تھئے۔اے ڳالھیں انھاں آپݨی والدہ تے مسلم لیگ (ن) دی رہنما ساجدہ فاروق تارڑ دے ہمراہ وزیراعظم دے کوآرڈینیٹر برائے سیاسی امور سید توصیف شاہ دے دفتر چیمہ ہاؤس اچ اپݨے حلقے دے عوامی نمائندیاں، چیئرمینز، وائس چیئرمینز، سینئر کارکنان تے کونسلرز نال ملاقات دے دوران ڳالھ مہاڑ کریندیں ہوئیں کیتا۔ وفاقی وزیر اطلاعات آکھیا جو حکومت عوامی فلاح کوں پہلی ترجیح ݙیندی پئی اے، ملک ہݨ استحکام دے بعد ترقی دے راہ تے اے۔ انھاں آکھیا جو معیشت اچ بہتری آندی پئی اے تاے ترقی و خوشحالی دے پندھ کوں ٻیا تیز کیتا تھیسی۔ ایں موقع تے وفاقی وزیر اطلاعات کارکنان دے مسئلے تفصیل نال سݨیے۔ اجلاس دے شرکاء مسلم لیگ (ن) دی حکومت دی پالیسیاں تے اعتماد دا اظہار کیتا اتے وفاقی تے پنجاب حکومت دے ترقیاتی کماں دی تعریف کیتی۔ تقریباً ترائے گھنٹے جاری رہݨ آلے اجلاس اچ نہ صرف حلقے دے عوامی مسئلے زیرِ بحث آئے بلکہ ملک دی مجموعی صورتحال اچ بہتری تے مستقبل دے لائحہ عمل تے وی ڳالھ مہاڑ تھئی۔
