وزیراعظم شہباز شریف دا ٹانک اچ دہشت گرد حملے اچ 5 پولیس اہلکاراں دی شہادت تے افسوس

اسلام آباد۔ 12 جنوری (اے پی پی) وزیراعظم محمد شہباز شریف ضلع ٹانک اچ دہشت گرد حملے اچ 5 پولیس اہلکاراں دی شہادت تے افسوس کریندیں ہوئیں آکھیے جو واقعے دے ذمہ دار دہشت گردوں کوں جلد از جلد انھاں دے منطقی انجام تئیں پڄایا ویسی۔ سنوار کوں وزیراعظم آفس دے میڈیا ونگ ولوں جاری بیان دے مطابق وزیراعظم واقعے اچ شہید تھیوݨ آلیاں کیتے مغفرت تے لواحقین کیتے صبر و استقامت دی دعا کیتی۔ وزیراعظم واقعے دی فوری تحقیقات دی ہدایت کریندیں ہوئیں آکھیا جو ایں حملے دے ذمہ دار دہشت گرداں کوں جلد توں جلد کیفرِ کردار تئیں پڄایا ویسے۔ انھاں آکھیا جو حکومتِ پاکستان ملک توں دہشت گردی دے مکمل خاتمے کیتے پرعزم اے۔