صدر مملکت آصف علی زرداری 13 توں 16 جنوری تئیں مملکت بحرین دا سرکاری دورہ کریسن

اسلام آباد۔ 12 جنوری (اے پی پی) صدر مملکت آصف علی زرداری 13 توں 16 جنوری تئیں مملکت بحرین دا سرکاری دورہ کریسن۔ سنوار کوں دفترِ خارجہ توں جاری بیان دے مطابق صدر مملکت دے نال ہک اعلیٰ سطح دا وفد وی ہوسی۔ دورے دے دوران صدر مملکت بحرین دے فرمانروا شاہ حمد بن عیسیٰ الخلیفہ تے بحرین دے ولی عہد و وزیراعظم شہزادہ سلمان بن حمد الخلیفہ نال ملاقاتاں کریسن۔ ملاقاتاں اچ ݙو پاسہ ، علاقائی تے بین الاقوامی معاملیاں تے ڳالھ مہاڑ کیتی ویسی۔ ایں دورے نال برادر خلیجی ملک نال پاکستان دے پراݨے تعاون کوں ٻیا مضبوط بݨاوݨ دے نال نال تجارت تے اقتصادی شراکت داری، دفاع تے سلامتی تے عوام دے عوام نال رابطیاں اچ تعاون دے نویں موقعیاں کوں ودھاوݨ دا موقع ملسی۔