قومی اسمبلی دا موجودہ اجلاس 23 جنوری تئیں جاری رکھݨ دا فیصلہ

اسلام آباد۔ 12 جنوری (اے پی پی)قومی اسمبلی دی ہاؤس بزنس ایڈوائزری کمیٹی 12 جنوری توں شروع تھیوݨ آلے ایوان دا جاری اجلاس 23 جنوری تئیں جاری رکھݨ دا فیصلہ کیتے۔قومی اسمبلی ایڈوائزری کمیٹی دا اجلاس سپیکر قومی اسمبلی سردار ایاز صادق دی صدارت وچ تھیا۔ اجلاس وچ قومی اسمبلی دے 23 ویں اجلاس دے ایجنڈے تے دورانیے تے ڳالھ مہاڑ کیتی ڳئی۔ قومی اسمبلی دے موجودہ اجلاس کوں 23 جنوری 2026ء جمعہ تئیں جاری رکھݨ دا فیصلہ کیتا ڳیا۔ اجلاس وچ قانون سازی، وقفہ سوالات تے عوامی اہمیت دے مسئلیں کوں بحث وچ گھن آیا ویسے۔ اجلاس وچ ڈپٹی سپیکر قومی اسمبلی سید غلام مصطفیٰ شاہ تے وفاقی وزیرِ قانون سینیٹر اعظم نذیر تارڑ شریک تھئے۔ ایندے علاوہ وفاقی وزیر خالد حسین مگسی تے ارکانِ قومی اسمبلی سید نوید قمر، اعجاز حسین جاکھرانی، سید حفیظ الدین، سید امین الحق، نزہت صادق، سیدہ شہلا رضا، نور عالم خان تے شیخ آفتاب وی شرکت کیتی۔