راولپنڈی۔ 12 جنوری (اے پی پی) چیف آف ڈیفنس فورسز و آرمی چیف فیلڈ مارشل سید عاصم منیر نال انڈونیشیا دے وزیرِ دفاع لیفٹیننٹ جنرل (ر) شافری شمس الدین جنرل ہیڈ کوارٹرز (جی ایچ کیو) راولپنڈی اچ ملاقات کیتی۔ ملاقات اچ باہمی دلچسپی دے معاملیاں، خطے دی ابھردی ہوئی صورتحال، عالمی سکیورٹی حرکیات اتے ݙو طرفہ دفاعی تعاون ودھاوݨ دے موقعیاں تے ڳالھ مہاڑ کیتی ڳئی۔ آئی ایس پی آر …
چیف آف ڈیفنس فورسز و آرمی چیف فیلڈ مارشل سید عاصم منیر نال انڈونیشیا دے وزیرِ دفاع دی ملاقات
راولپنڈی۔ 12 جنوری (اے پی پی) چیف آف ڈیفنس فورسز و آرمی چیف فیلڈ مارشل سید عاصم منیر نال انڈونیشیا دے وزیرِ دفاع لیفٹیننٹ جنرل (ر) شافری شمس الدین جنرل ہیڈ کوارٹرز (جی ایچ کیو) راولپنڈی اچ ملاقات کیتی۔ ملاقات اچ باہمی دلچسپی دے معاملیاں، خطے دی ابھردی ہوئی صورتحال، عالمی سکیورٹی حرکیات اتے ݙو طرفہ دفاعی تعاون ودھاوݨ دے موقعیاں تے ڳالھ مہاڑ کیتی ڳئی۔ آئی ایس پی آر دے مطابق ݙوہاں پاسوں پاکستان اتے انڈونیشیا وچال ادارہ جاتی روابط، تربیتی تعاون اتے دفاعی صنعت اچ اشتراکِ عمل کوں ٻیا مضبوط بݨاوݨ دی اہمیت تے زور ݙتا ڳیا۔ معزز مہمان پاکستان مسلح افواج دی پیشہ ورانہ مہارت دی تعریف کیتی اتے دہشت گردی دے خلاف جنگ اچ انھاں دیاں قربانیاں دا اعتراف کیتا۔ انھاں مختلف شعبیاں اچ پاکستان نال دفاعی تعلقات کوں ٻئی وسعت ݙیوݨ دی انڈونیشیا دی خواہش دا وی اظہار کیتا۔ فیلڈ مارشل عاصم منیر مشترکہ اقدار، باہمی احترام اتے سٹریٹجک مفادات دی ہم آہنگی تے مبنی انڈونیشیا نال مضبوط اتے دیرپا دفاعی تعلقات کوں ودھاوݨ کیتے پاکستان دے عزم دوہرایا۔
