عالمی ادارہ صحت ولوں گاݙیاں دی حوالگی دی تقریب، حکومت دا وژن صرف سہولتاں ݙیوݨ کائنی بلکہ لوکاں کوں بیماریاں توں بچاوݨ اے، وفاقی وزیر مصطفیٰ کمال

اسلام آباد۔ 13 جنوری (اے پی پی) عالمی ادارہ صحت (WHO) ولوں پاکستان اچ صحت دے نظام کوں مضبوط بݨاوݨ کیتے گاݙیاں دی حوالگی دی تقریب تھئی۔ تقریب توں خطاب کریندے ہوئیں وفاقی وزیرِ صحت سید مصطفیٰ کمال آکھیا جو صرف ہسپتال بݨاوݨ حکومت دا وژن کائنی بلکہ اصل مشن عوام کوں بیمار تھیوݨ توں بچاوݨ اے۔ انھاں آکھیا جو پاکستان دا ہیلتھ کیئر سسٹم کئی چیلنجز دا شکار اے تے کووڈ-19 دی مثال اساݙے سامݨے اے۔ انھاں ݙسایا جو ملک اچ ہر سال 62 لکھ ٻال پیدا تھیندن پر پاݨی تے صفائی دے مسئلے بیماریاں ودھاوݨ دا سبب بݨدے پئن۔ مصطفیٰ کمال آکھیا جو اساکوں “سِک کیئر” دے بجائے “ہیلتھ کیئر” دی لوڑھ اے۔ ڈبلیو ایچ او ولوں ݙتی ڳئی گاݙیاں دور دراز علاقیاں اچ حفاظتی ٹیکے لاوݨ کیتے استعمال تھیسن۔ انھاں آکھیا جو پولیو دا خاتمہ ہر حال اچ کیتا ویسے۔