مقامی نمائندے ہی عوام دے بنیادی مسئلیں کوں بہتر طور تے حل کر سڳدن، وفاقی وزیر سید مصطفیٰ کمال

اسلام آباد۔ 13 جنوری (اے پی پی) وفاقی وزیر قومی صحت سید مصطفیٰ کمال آکھیے جو مقامی نمائندے ہی عوام دے بنیادی مسئلیں کوں بہتر طور تے حل کر سڳدن۔ اے ڳالھ انھاں بلدیاتی انتخابات دے حوالے نال منعقدہ تقریب نال خطاب کریندے آکھی۔ انھاں آکھیا جو لوک تہاکوں شکایت کریندے نظر آندے ہوسن، عام آدمی مطمئن کائنی، دنیا بھر دے لوکاں دی شمولیت دا خیال رکھو۔ انھاں آکھیا جو مینارٹی (اقلیت) کوں وی نظر انداز نی کیتا ونڄ سڳدا، چین وچ گورنمنٹ سسٹم ہک بہترین مثال اے، مقامی حکومت عام لوکاں دی ترقی دا ذریعہ اے، یونین کونسل دی سطح تے مسئلیں دا حل ضروری اے، ڳلیاں تے نالیں دی مرمت دا کم مقامی حکومتاں دا اے، اداریں کوں مضبوط بݨاوݨ دی کوشش کرݨی چاہیدی اے۔ انھاں آکھیا جو مضبوط بلدیاتی نظام نال ہی حقیقی ترقی ممکن اے، مقامی نمائندے عوام دے بنیادی مسائل تے مثالاں کوں بہتر طور تے حل کر سڳدن، اداریں کوں مضبوط بݨاوݨ دی لوڑح اے