اسلام آباد۔ 13 جنوری (اے پی پی) وفاقی وزیر پارلیمانی امور ڈاکٹر طارق فضل چوہدری جی سیون ٹو اسلام آباد وچ سلنڈر دھماکے نال جاں بحق تھیوݨ آلے لوکاں دے اہلخانہ نال انھاں دی رہائش گاہ تے ملاقات کیتی تے انھاں نال تعزیت کیتی۔ ایں موقع تے میڈیا نال ڳالھ مہاڑ کریندے انھاں آکھیا جو اے ٻہوں افسوسناک واقعہ اے جیندے وچ 8 بندے جاں بحق تھئے ہن، 12 زخمی …
وفاقی وزیر پارلیمانی امور ڈاکٹر طارق فضل چوہدری دی جی سیون ٹو وچ سلنڈر دھماکے نال جاں بحق تھیوݨ آلے لوکاں دے اہلخانہ نال ملاقات
اسلام آباد۔ 13 جنوری (اے پی پی) وفاقی وزیر پارلیمانی امور ڈاکٹر طارق فضل چوہدری جی سیون ٹو اسلام آباد وچ سلنڈر دھماکے نال جاں بحق تھیوݨ آلے لوکاں دے اہلخانہ نال انھاں دی رہائش گاہ تے ملاقات کیتی تے انھاں نال تعزیت کیتی۔ ایں موقع تے میڈیا نال ڳالھ مہاڑ کریندے انھاں آکھیا جو اے ٻہوں افسوسناک واقعہ اے جیندے وچ 8 بندے جاں بحق تھئے ہن، 12 زخمی ہن جنھاں وچوں چار زیرِ علاج ہن۔ انھاں ݙسایا جو تحقیقات توں اے ڳالھ سامݨے آئی اے جو اے حادثہ گیس لیکج پاروں تھیا، واقعہ شادی آلے گھر وچ پیش آیا۔ انھاں آکھیا جو حکومت ولوں متاثرہ خانداناں دی امداد کیتی ویسے تے جیڑا نقصان تھئے اوندے ازالے دی کوشش کیتی ویسے، گھراں دی مرمت وچ وی تعاون کیتا ویسے۔ ہک سوال دے جواب وچ انھاں آکھیا جو گیس لیکج انسانی غفلت تاں تھی سڳدی اے پر اینکوں مجرمانہ غفلت نی آکھیا ونڄ سڳدا
