اسلام آباد۔ 13 جنوری (اے پی پی) وزیراعظم محمد شہباز شریف فائیو جی سودھے جدید نیٹ ورکس وچ ’’ایرکسن‘‘ دے عالمی تجربات توں فیدہ چاوݨ وچ پاکستان دی دلچسپی دا اظہار کریندے قومی ضرورتاں دے موجب محفوظ آئی ٹی انفراسٹرکچر بݨاوݨ دے عزم دا اعادہ کیتے۔ وزیراعظم دفتر دے میڈیا ونگ توں جاری بیان موجب وزیراعظم نال سویڈش کمپنی ایرکسن (Ericsson) دے وفد وزیراعظم ہاؤس وچ ملاقات کیتی۔ وفد دی …
وزیراعظم شہباز شریف نال ایرکسن دے وفد دی ملاقات
اسلام آباد۔ 13 جنوری (اے پی پی) وزیراعظم محمد شہباز شریف فائیو جی سودھے جدید نیٹ ورکس وچ ’’ایرکسن‘‘ دے عالمی تجربات توں فیدہ چاوݨ وچ پاکستان دی دلچسپی دا اظہار کریندے قومی ضرورتاں دے موجب محفوظ آئی ٹی انفراسٹرکچر بݨاوݨ دے عزم دا اعادہ کیتے۔ وزیراعظم دفتر دے میڈیا ونگ توں جاری بیان موجب وزیراعظم نال سویڈش کمپنی ایرکسن (Ericsson) دے وفد وزیراعظم ہاؤس وچ ملاقات کیتی۔ وفد دی قیادت کمپنی دے صدر پیٹرک جوہانسن کریندے پئٖے ہن ۔ وزیراعظم وفد دا استقبال کیتا تے پاکستان وچ ایرکسن دی چھی ݙہاکیں تے محیط سرمایہ کاری دی تعریف کیتی۔ملاقات وچ نیکسٹ جنریشن ڈیجیٹل کمیونیکیشن دی اہمیت تے ڳالھ تھئی۔ وزیراعظم آکھیا جو پاکستان فائیو جی دے حوالے نال ایرکسن دے تجربات توں فیدہ چاوݨ چاہندے۔ ملاقات وچ ڈیجیٹل مہارت، مالی شمولیت تے کیش لیس ادائیگی دے نظام تے وی ڳالھ تھئی۔ وزیراعظم غیر ملکی سرمایہ کاراں کوں سہولت ݙیوݨ دے عزم دا اعادہ کیتا۔ ایرکسن دے وفد فائیو جی سپیکٹرم نیلامی کیتے حکومت دی کوششاں دی تعریف کیتی۔ ملاقات وچ نائب وزیراعظم اسحاق ڈار، وزیر آئی ٹی شزا فاطمہ تے ٻئے حکام وی موجود ہن
