اسلام آباد۔ 13 جنوری (اے پی پی) پاکستان تے سری لنکا ݙو طرفہ تعلقات کوں مزید مضبوط بݨاوݨ کیتے ثقافتی تعاون کوں ودھاوݨ تے اتفاق کیتے، جیندے وچ خاص طور تے تاریخی ورثے، فنون تے مذہبی سیاحت تے توجہ رکھی ویسے۔اے اتفاق نیشنل ہیریٹیج اینڈ کلچر ڈویژن دے دفتر وچ وفاقی وزیر اورنگزیب خان کھچی، سیکرٹری اسد رحمان گیلانی تے سری لنکا دے سفیر ریئر ایڈمرل (ر) فریڈ سینویراٹن دے …
وفاقی وزیر قومی ورثہ و ثقافت نال سری لنکا دے سفیر دی ملاقات
اسلام آباد۔ 13 جنوری (اے پی پی) پاکستان تے سری لنکا ݙو طرفہ تعلقات کوں مزید مضبوط بݨاوݨ کیتے ثقافتی تعاون کوں ودھاوݨ تے اتفاق کیتے، جیندے وچ خاص طور تے تاریخی ورثے، فنون تے مذہبی سیاحت تے توجہ رکھی ویسے۔اے اتفاق نیشنل ہیریٹیج اینڈ کلچر ڈویژن دے دفتر وچ وفاقی وزیر اورنگزیب خان کھچی، سیکرٹری اسد رحمان گیلانی تے سری لنکا دے سفیر ریئر ایڈمرل (ر) فریڈ سینویراٹن دے وچال تھیوݨ آلی ملاقات وچ تھیا۔ ایں موقع تے وفاقی وزیر دے اعزازی مشیر سید عثمان شاہ وی موجود ہن۔ ملاقات وچ ݙوہیں ملکاں دے تاریخی ورثے تے روایتی ثقافت کوں ودھاوݨ تے زور ݙتا ڳیا۔ ݙوہیں فریقین مشترکہ ثقافتی نمائشاں تے تاریخی پروگراماں دے انعقاد دی اہمیت تے روشنی پاتی تاں جو فنکاراں تے ہنرمنداں کوں موقع مل سڳن۔وفاقی وزیراورنگزیب خان کھچی آکھیا جو وزیراعظم مشترکہ ثقافتی منصوبے بݨاوݨ چاہندن۔ انھاں اعلان کیتا جو پاکستان ہائی کمیشن سری لنکا وچ پاکستانی آرکیٹیکچرل ماڈلز تے نمائشاں دا اہتمام کریسی۔ وفاقی وزیر پاکستان دے بدھ ورثے، خاص طور تے گندھارا تہذیب دی اہمیت ݙسیندے آکھیا جو اے مذہبی سیاحت کیتے وݙی کشش رکھیندن ۔ سری لنکا دے سفیر ایں اقدام کوں خوش آئند قرار ݙتا تے ٹیکسلا و لاہور دے عجائب گھراں وچ موجود چیزاں وچ دلچسپی ظاہر کیتی۔ سیکرٹری اسد رحمان گیلانی ݙسایا جو بدھ ورثے دے مقامات دے ورچوئل دورے پہلے ہی موجود ہن۔ ݙوہیں ملکاں نیڑے تعاون جاری رکھݨ تے اتفاق کیتا۔
