اسلام آباد۔ 14 جنوری (اے پی پی) نائب وزیراعظم اتے وزیر خارجہ سینیٹر محمد اسحاق ڈار بدھ کوں اتھاں بین الوزارتی کمیٹی دے اجلاس دی صدارت کیتی جیندے اچ تیل تے گیس دے شعبے دے موجودہ قیمتاں دے ڈھانچے دا جائزہ گھدا ڳیا۔ نائب وزیراعظم دے آفس توں جاری بیان دے مطابق کمیٹی پٹرولیم پالیسی دے تحت قیمتاں دے تعین دے فریم ورک تے ڳالھ مہاڑ کیتی۔ اراکین موجودہ طریقہ …
نائب وزیراعظم محمد اسحاق ڈار دی صدارت اچ بین الوزارتی کمیٹی دا اجلاس، تیل تے گیس دے شعبے دے موجودہ قیمتاں دے ڈھانچے دا جائزہ گھدا ڳیا
اسلام آباد۔ 14 جنوری (اے پی پی) نائب وزیراعظم اتے وزیر خارجہ سینیٹر محمد اسحاق ڈار بدھ کوں اتھاں بین الوزارتی کمیٹی دے اجلاس دی صدارت کیتی جیندے اچ تیل تے گیس دے شعبے دے موجودہ قیمتاں دے ڈھانچے دا جائزہ گھدا ڳیا۔ نائب وزیراعظم دے آفس توں جاری بیان دے مطابق کمیٹی پٹرولیم پالیسی دے تحت قیمتاں دے تعین دے فریم ورک تے ڳالھ مہاڑ کیتی۔ اراکین موجودہ طریقہ کار دا جائزہ گھدا متے اینجھے اصلاحی آپشنز تے غور کیتا جیندے نال توانائی کوں زیادہ سستا، پائیدار تے شعبے دی مجموعی کارکردگی کوں بہتر بݨایا ونڄ سڳے۔ نائب وزیراعظم متے وزیر خارجہ پاکستان دی توانائی منڈیاں مچ شفافیت تے موثریت کوں یقینی بݨاوݨ کیتے حکومت دے عزم دا اعادہ کیتا۔ اجلاس مچ وفاقی وزراء برائے بین الصوبائی رابطہ، بجلی تے پٹرولیم، وزیراعظم دے خصوصی معاونین طارق باجوہ تے بلال اظہر کیانی دے علاوہ مشیرِ نجکاری، نیشنل کوآرڈینیٹر ایس آئی ایف سی، پاور سیکٹر ٹاسک فورس دے سربراہ تے چیئرمین ایف بی آر شرکت کیتی۔
