اسلام آباد۔ 14 جنوری (اے پی پی) وفاقی وزیر سرمایہ کاری بورڈ قیصر احمد شیخ نال وفاقی وزیر برائے قومی ورثہ تے ثقافت اورنگزیب خان کھچی بدھ کوں ملاقات کیتی۔ سرمایہ کاری بورڈ ولوں جاری بیان دے مطابق ملاقات اچ ملک اچ سرمایہ کاری دے فروغ، آپسی تعاون دے نویں موقع تے مختلف شعبیاں اچ سرمایہ کاری دے امکانات تے تفصیلی ڳالھ کیتی۔ ݙوہیں وزیراں بالخصوص ثقافتی ورثہ، سیاحت تے …
وفاقی وزیر سرمایہ کاری بورڈ قیصر احمد شیخ نال وفاقی وزیر قومی ورثہ تے ثقافت اورنگزیب خان کھچی دی ملاقات
اسلام آباد۔ 14 جنوری (اے پی پی) وفاقی وزیر سرمایہ کاری بورڈ قیصر احمد شیخ نال وفاقی وزیر برائے قومی ورثہ تے ثقافت اورنگزیب خان کھچی بدھ کوں ملاقات کیتی۔ سرمایہ کاری بورڈ ولوں جاری بیان دے مطابق ملاقات اچ ملک اچ سرمایہ کاری دے فروغ، آپسی تعاون دے نویں موقع تے مختلف شعبیاں اچ سرمایہ کاری دے امکانات تے تفصیلی ڳالھ کیتی۔ ݙوہیں وزیراں بالخصوص ثقافتی ورثہ، سیاحت تے تخلیقی صنعتاں اچ سرمایہ کاری دی وسیع گنجائش تے ڳالھ کیتی۔ وفاقی وزیر قیصر احمد شیخ ایں موقع تے آکھیا جو قومی ورثہ تے ثقافت دے شعبے کوں معاشی ترقی نال موثر طور تے جوڑݨ ویلھے دی لوڑھ اے۔ انھاں دا آکھݨ ہئی جو ثقافتی شعبے اچ سرمایہ کاری نال نہ صرف ملکی شناخت کوں فروغ ملسی بلکہ روزگار دے نویں موقع وی پیدا تھیسن۔ وفاقی وزیر قیصر احمد شیخ ایں عزم دا اعادہ کیتا جو بورڈ آف انویسٹمنٹ ملک اچ پائیدار تے طویل المدتی سرمایہ کاری دے فروغ کیتے بھرپور کردار ادا کریندا رہسی۔
