وزیر اعظم شہباز شریف دا کم عمر ترین مائیکروسافٹ سرٹیفائیڈ پروفیشنل ارفع کریم رندھاوا کوں خراجِ عقیدت

اسلام آباد۔ 14 جنوری (اے پی پی) وزیر اعظم محمد شہباز شریف کم عمر ترین مائیکروسافٹ سرٹیفائیڈ پروفیشنل ارفع کریم رندھاوا کوں خراجِ عقیدت پیش کریندیں ہوئیں آکھیے جو ارفع کریم پاکستانی نینگریں دی ذہانت تے انھاں اچ بے پناہ صلاحیتاں دی روشن مثال ہن ۔ بدھ کوں ارفع کریم رندھاوا دی برسی دے موقع تے آپݨے سنیھے اچ وزیراعظم آکھیا جو ارفع کریم ٻہوں گھٹ عمری اچ عالمی سطح تے پاکستان دا ناں روشن کیتا۔ وزیراعظم آفس دے میڈیا ونگ توں جاری بیان دے مطابق وزیراعظم آکھیا جو ارفع کریم رندھاوا اے ثابت کیتا جو پاکستانی نینگر کہیں توں گھٹ کائنی، انھاں دی کامیابیاں اج وی اساݙے نینگریں کیتے مشعلِ راہ ہن، وزیراعظم آکھیا جو لاہور اچ تعمیر شدہ سافٹ ویئر ٹیکنالوجی پارک کوں ارفع کریم نال منسوب کرݨ اساݙے کیتے فخر دی ڳالھ اے، حکومت نینگریں کوں تعلیم، تحقیق تے ٹیکنالوجی دے میدان اچ اڳوں ودھݨ دے موقع فراہم کر تے ارفع کریم رندھاوا دے خواب کوں حقیقت اچ بدلݨ کیتے پُرعزم اے۔ وزیر اعظم ارفع کریم دے والدین تے اہل خانہ نال دلی ہمدردی دا اظہار کریندیں ہوئیں دعا کیتی جو اللہ تعالیٰ مرحومہ کوں جوارِ رحمت اچ اعلیٰ مقام عطا فرماوے اتے قوم کوں انھاں دے نقشِ قدم تے چلݨ دی توفیق ݙیوے۔