انٹربینک مارکیٹ وچ امریکی ڈالر دے مقابلے وچ روپے دی قدر وچ ودھارا

اسلام آباد۔ 14 جنوری (اے پی پی) پاکستان دی انٹربینک مارکیٹ وچ امریکی ڈالر دے مقابلے وچ پاکستانی روپے دی قدر وچ ودھارا ریکارڈ کیتا ڳئے۔ سٹیٹ بینک آف پاکستان موجب انٹربینک مارکیٹ وچ امریکی ڈالر دے مقابلے وچ پاکستانی روپے دی قدر وچ 03 پیسے دا ودھارا ریکارڈ کیتا ڳئے جیندے بعد ایندی نویں قیمت 279 روپے 97 پیسے تھی ڳئی اے۔انٹربینک مارکیٹ وچ سعودی ریال دی قدر 74 روپے 65 پیسے جݙاں جو بحرینی دینار دی قدر 742 روپے 56 رہی اے۔ ایویں ہی عمانی ریال دی انٹربینک مارکیٹ وچ قدر 727 روپے 23 پیسے رہی، کویتی دینار دی قدر 915 روپے 54 پیسے تے قطری ریال دی قدر 76 روپے 60 پیسے ریکارڈ کیتی ڳئی اے۔ ݙوجھے پاسے اوپن مارکیٹ وچ امریکی ڈالر دی قیمتِ خرید 280 روپے 65 پیسے تے قیمتِ فروخت 282 روپے 75 پیسے ریکارڈ کیتی ڳئی اے۔