وفاقی وزیربحری امور محمد جنید انوار چوہدری دا زیارت حسن شاہ جزیرہ کوں ماحولیاتی، کھیݙاں دی سیاحت تے لائف سٹائل ریٹریٹس کیتے جدید مرکز وچ بدلݨ دے منصوبیں دا اعلان

اسلام آباد۔ 14 جنوری (اے پی پی) وفاقی وزیر بحری امور محمد جنید انوار چوہدری زیارت حسن شاہ جزیرہ کوں ماحولیاتی، کھیݙاں دی سیاحت تے لائف سٹائل ریٹریٹس کیتے ہک جدید مرکز وچ بدلݨ دے منصوبیں دا اعلان کیتے جیندے نال طویل مدتی اقتصادی فیدیں دے نال ماحولیاتی استحکام کوں متوازن کیتا ویسے ۔وزارت توں جاری پریس ریلیزموجب وفاقی وزیر آکھیا جو جزیرے دے منصوبے جیندی لاڳت دا تخمینہ ہک ارب توں 1.5 ارب روپے دے درمیان اے، کوں سرمایہ کاری دی ترجیح قرار ݙتا ڳئے تے ایندے نال روزگار دے اہم موقع پیدا تھیوݨ دی توقع اے۔ جنید انوار چوہدری آکھیا جو تعمیراتی مرحلے دے دوران تقریباً 1,000 توں 1,500 بالواسطہ تے بلاواسطہ ملازمتاں پیدا تھیوݨ دا تخمینہ لاتا ڳئے جیندے بعد آپریشن شروع تھیوݨ تے 1,200 توں 1,800 پائیدار ملازمتاں پیدا تھیسن۔ انھاں مزید آکھیا جو اے منصوبہ مقامی ذریعہ معاش کوں ڈھیر ودھارا ݙیسی۔زیارت حسن شاہ جزیرہ کراچی دے مشرقی زون دے نیڑے واقع اے تے ایندی لمبائی تقریباً چار کلومیٹر اے جیندے چوڑائی 100 توں 500 میٹر تئیں اے۔ وفاقی وزیر آکھیا جو ایندا جنوب مشرقی ریتیلا ساحل تفریحی سرگرمیاں کیتے مضبوط صلاحیت رکھیندے۔ انھاں آکھیا جو پاکستان کنے ہک ہزار کلومیٹر توں زیادہ ساحلی پٹی اے جیندے زیادہ تر حصہ اڄاں استعمال وچ کائنی تے حکومت میری ٹائم سیکٹر کوں اقتصادی ترقی کیتے اہم بݨاوݨ چاہندی اے ۔ انھاں آکھیا جو جزیرے دی ترقی وچ ماحولیاتی تحفظ کوں مرکزی حیثیت حاصل ہوسی۔ اے منصوبہ بلیو اکانومی کوں مضبوط کرݨ دی کوششاں دا حصہ اے۔