اسلام آباد۔ 15 جنوری (اے پی پی) وفاقی وزیر داخلہ محسن نقوی نیشنل پولیس اکیڈمی دے دورے دے موقع تے زیرِ تربیت اے ایس پیز (ASPs) کیتے وݙے فیصلے دا اعلان کیتے، جیندے تحت پاسنگ آؤٹ تے افسراں کوں پلاٹس دی فراہمی، ہک مہینے دی تربیت کیتے چین (بیجنگ) بھیڄݨ تے پولیس افسراں دی تنخواہیں اچ بہتری سمیت پروموشن دے مسئلے فوری حل کرݨ دی منظوری ݙے ݙتی ڳئی اے۔ …
وفاقی وزیر داخلہ محسن نقوی دا نیشنل پولیس اکیڈمی دا دورہ، اے ایس پیز کیتے پلاٹس، بیجنگ اچ تربیت تے تنخواہاں اچ اضافے دا اعلان
اسلام آباد۔ 15 جنوری (اے پی پی) وفاقی وزیر داخلہ محسن نقوی نیشنل پولیس اکیڈمی دے دورے دے موقع تے زیرِ تربیت اے ایس پیز (ASPs) کیتے وݙے فیصلے دا اعلان کیتے، جیندے تحت پاسنگ آؤٹ تے افسراں کوں پلاٹس دی فراہمی، ہک مہینے دی تربیت کیتے چین (بیجنگ) بھیڄݨ تے پولیس افسراں دی تنخواہیں اچ بہتری سمیت پروموشن دے مسئلے فوری حل کرݨ دی منظوری ݙے ݙتی ڳئی اے۔ انھاں واضح کیتا جو پولیس فورس کوں بین الاقوامی معیار دے مطابق ڈھالݨ کیتے پیشہ ورانہ مہارت تے مالی آسودگی کوں یقینی بݨایا ویسے۔ وزیر داخلہ زیرِ تربیت افسراں نال خطاب کریندیں ہوئیں آکھیا جو موجودہ پولیس بیج کوں جدید تقاضیاں دے مطابق تیار کرݨ حکومت دی ترجیح اے۔ ایں سلسلے اچ افسراں دی مالی مشکلاں دور کرݨ کیتے خصوصی اقدامات کیتے ویندے پئن۔ دورے دے دوران وزیر داخلہ اکیڈمی دی تزئین و آرائش دے کم دا معائنہ کیتا تے کوالٹی دے حوالے نال کمانڈنٹ اکیڈمی محمد ادریس کوں ضروری ہدایات جاری کیتیاں۔
