وزیراعظم شہباز شریف نال کمیونسٹ پارٹی آف چائنا دے بین الاقوامی شعبے دی نائب وزیر سن ہائی یان دی ملاقات

اسلام آباد۔ 15 جنوری(اے پی پی)وزیراعظم محمد شہباز شریف پاکستان کیتے چین دی فراخدلانہ معاونت بالخصوص سی پیک (CPEC) دے تحت تعاون کوں سراہندے ایندے اگلے مرحلے تے عملدرآمد تے زور ݙتے۔ وزیراعظم نال کمیونسٹ پارٹی آف چائنا دے بین الاقوامی شعبے (IDCPC) دی نائب وزیر سن ہائی یان وزیراعظم ہاؤس اسلام آباد اچ ملاقات کیتی۔ وزیراعظم آکھیا جو اے دورہ وݙا اہم اے جو ݙوہیں ملک سفارتی تعلقات دی 75 ویں سالگرہ منیندے پئن۔ انھاں صدر شی جن پنگ اتے چینی قیادت کیتے نیک خواہشات پچیندے “ہک چین” (One China) پالیسی کیتے پاکستان دا غیر متزلزل عزم دوہرایا اتے صدر شی جن پنگ کوں ایں سال پاکستان دے سرکاری دورے دی دعوت وی ولا ݙتی۔ چینی نائب وزیر آکھیا جو چین پاکستان نال اپݨے آزمودہ تعلقات کوں مزید مضبوط بݨاوݨ کیتے پُرعزم اے۔ انھاں ملک اچ معاشی اتے سیاسی استحکام گھن آوݨ تے وزیراعظم کوں مبارکباد ݙتی۔