صوبائی ترقیاتی ورکنگ پارٹی دا اجلاس، 11 ارب روپے دے فنڈز منظور

لاہور۔15 جنوری(اے پی پی) پنجاب دی صوبائی ترقیاتی ورکنگ پارٹی دے اجلاس 11 ارب روپے دے فنڈز منظور کر ڳھدن۔ فنڈز دی منظوری صوبائی ترقیاتی ورکنگ پارٹی دے 59 ویں اجلاس اچ ݙتی ڳئی جیندی اڳواݨی چیئرمین پلاننگ اینڈ ڈویلپمنٹ بورڈ ڈاکٹر نعیم رؤف کیتی۔ پنجاب انسٹیٹیوٹ آف مینٹل ہیلتھ، لاہور دے پراݨے بلاکس دی بحالی کیتے 2 ارب 50 ، الائیڈ ہسپتال، فیصل آباد کیتے لینیئر ایکسیلیریٹر ڳھنݨ لو 1 ارب روپے دی منظوری ݙتی گئی۔ ڈیفنس ڈچز کوں پاݨی ݙیوݨ کیتے ڈسٹری بیوٹریز اتے مائنرز دی استعداد ودھاوݨ اتے توسیع سانڳے 1 ارب 50 کروڑ روپے منظور کیتے ڳن۔ اجلاس اچ اہم نہراں دی لائننگ توں کینال کنوینس اتے آپریشنل کارکردگی بہتر کرݨ کیتے 6 ارب روپے دی منظوری ݙتی گئی۔ ہائر ایجوکیشن ڈیپارٹمنٹ (HED) سیکرٹریٹ دی استعداد ودھاوݨ اتے کالجز کیتے ERP سسٹم سانڳے پوزیشن پیپر منظور کیتا ڳئے۔ لوکل گورنمنٹ دے ݙو ملازمین کوں انسینٹو الاؤنس ݙیوݨ کیتے پوزیشن پیپر دی منظوری ݙتی گئی۔ اجلاس اچ سیکرٹری پلاننگ اینڈ ڈویلپمنٹ بورڈ رفاقت علی، ممبران پی اینڈ ڈی بورڈ اتے متعلقہ محکمیاں دے افسران شرکت کیتی۔