ایکنک دا اجلاس، 117 ارب روپے توں ودھ مالیت دے اہم ترقیاتی منصوبیاں دی منظوری

اسلام آباد۔ 15 جنوری(اے پی پی) نائب وزیر اعظم و وزیر خارجہ سینیٹر محمد اسحاق ڈار دی زیرِ صدارت ایکنک (ECNEC) دے اجلاس اچ 117 ارب روپے توں ودھ مالیت دے اہم ترقیاتی منصوبیاں دی منظوری ݙتی ڳئی اے۔ انھاں منصوبیاں اچ صحت سہولت پروگرام اچ 30 جولائی 2026ء تئیں توسیع، توانائی، بنیادی ڈھانچے اتے ٹرانسپورٹ دے شعبیاں اچ اقدامات سودھا سماجی و اقتصادی ترقی ودھاوݨ اتے عوامی خدمات بہتر بݨاوݨ شامل اے۔ نائب وزیر اعظم متعلقہ وزارتاں کوں ہدایت کیتی جو انھاں منصوبیاں دی موثر منصوبہ بندی، ویلے تے عملدرآمد اتے پائیداری کوں یقینی بݨایا ونڄے۔ اجلاس اچ وزیر خزانہ، وزیراعظم دے معاون خصوصی، سندھ دے وزیر برائے منصوبہ بندی، تے مختلف وزارتاں دے سیکرٹریز سودھا سینئر حکام شرکت کیتی۔