اسلام آباد۔ 15 جنوری (اے پی پی) دفترِ خارجہ دے ترجمان طاہر حسین اندرابی آکھیے جو وزیراعظم خطے اچ امن، مکالمے اتے ثالثی ودھاوݨ کیتے قطر دے تعمیری کردار دی تعریف کریندے سفارتی کوششاں کوں منیے۔ ہفتہ وار پریس بریفنگ اچ انھاں آکھیا جو وزیراعظم قطر دے امیر نال فون تے ڳالھ کریندے ہوئیں یقین ݙیوائے جو پاکستان خطے دے امن کیتے اپݨا کردار ادا کریندا رہسی۔ ݙوہاں رہنماواں پاکستان …
پاکستان خطے اچ امن اتے استحکام کیتے اپݨا مثبت کردار ادا کریندا رہسی، ترجمان دفترِ خارجہ دی پریس بریفنگ
اسلام آباد۔ 15 جنوری (اے پی پی) دفترِ خارجہ دے ترجمان طاہر حسین اندرابی آکھیے جو وزیراعظم خطے اچ امن، مکالمے اتے ثالثی ودھاوݨ کیتے قطر دے تعمیری کردار دی تعریف کریندے سفارتی کوششاں کوں منیے۔ ہفتہ وار پریس بریفنگ اچ انھاں آکھیا جو وزیراعظم قطر دے امیر نال فون تے ڳالھ کریندے ہوئیں یقین ݙیوائے جو پاکستان خطے دے امن کیتے اپݨا کردار ادا کریندا رہسی۔ ݙوہاں رہنماواں پاکستان اتے قطر دے برادرانہ تعلقات کوں ٻیا تکڑا بݨاوݨ دا عزم دوہرائے اتے مشرقِ وسطیٰ دی صورتحال تے وی الائے۔ ترجمان ݙسایا جو صدرِ مملکت آصف علی زرداری بحرین دے سرکاری دورے تے ہین، جتھاں انھاں شاہ حماد بن عیسیٰ الخلیفہ نال تجارت، سرمایہ کاری اتے دفاعی تعاون تے ڳالھ مہاڑ کیتی اے۔ ترجمان ݙسایا جو نائب وزیراعظم اسحاق ڈار او آئی سی (OIC) دے اجلاس اچ صومالی لینڈ دے خطے کوں اسرائیل ولوں غیر قانونی طور تے تسلیم کرݨ دی سخت مذمت کیتی اے۔ انھاں او آئی سی تے زور ݙتا جو او جموں و کشمیر دے عوام دے حقِ خودارادیت دے حصول کیتے اپݨی کوششاں ٻیاں ودھاوے۔
