قائم مقام صدر سید یوسف رضا گیلانی نال تاجریں، سرمایہ کاریں، صنعتکاریں تے کاروباری شعبے نال وابستہ ملک دی معروف شخصیات دے وفد دی ملاقات

اسلام آباد۔ 16 جنوری (اے پی پی) قائم مقام صدر سید یوسف رضا گیلانی نال تاجریں، سرمایہ کاریں، صنعتکاریں تے کاروباری شعبے نال وابستہ ملک دی معروف شخصیات دے ہک وفد پارلیمنٹ ہاؤس وچ ملاقات کیتی اے۔ جمعہ کوں ایوانِ صدر دے میڈیا ونگ دے مطابق ملاقات اچ ملک دی مجموعی معاشی صورتحال، تجارت، سرمایہ کاری، کاروباری سرگرمیاں تے مختلف صنعتی شعبیاں کوں درپیش مسائل تے تفصیلی ڳالھ کیتی ڳئی۔وفد اچ احسن بھٹی، ہارون ناصر، عمر حسین، اویس خٹک، حاتم طبانی، شاہد خان، شعیب ظفر، عامر اقبال، حمزہ رحمان، عثمان شوکت، نجم سحر تے ٻئے شامل ہن۔ وفد دے ارکان نے قائم مقام صدر کوں پاکستان وچ تجارت، صنعت تے سرمایہ کاری دے شعبیاں کوں درپیش چیلنجز توں آگاہ کیتا تے کاروباری سرگرمیاں دے فروغ کیتے آپݨی تجویزاں پیش کیتیاں۔ ملاقات دے دوران کنسٹرکشن سیکٹر، گھریلو تے کمرشل عمارتاں اچ استعمال تھیوݨ آلے جدید انرجی کنٹرول شیشیاں، رئیل سٹیٹ سیکٹر تے صحت دے شعبے نال متعلق معاملیاں تے وی قائم مقام صدر کوں تفصیلی بریفنگ ݙتی ڳئی۔