شبِ معراج عظیم الشان روحانی اہمیت آلی رات اے، پاکستان دی ترقی کیتے خصوصی دعاواں کیتیاں ونڄن، وزیراعظم شہباز شریف

اسلام آباد۔ 16 جنوری (اے پی پی)وزیراعظم محمد شہباز شریف قوم توں اپیل کیتی اے جو شبِ معراج جیہڑی عظیم الشان روحانی اہمیت دی حامل رات اے، ایندے اچ پاکستان دے امن، استحکام اتے ترقی کیتے خصوصی دعاواں کیتیاں ونڄن۔ اپݨے سنیہے اچ وزیراعظم آکھیا جو او پاکستان اتے پوری دنیا دے مسلماناں کوں ایں بابرکت موقع تے مبارکباد ݙیندن۔ انھاں آکھیا جو اے رات ساکوں ایمان دی مضبوطی، صبر، تقویٰ اتے اللہ توں قربت دا درس ݙیندی اے۔ وزیراعظم آکھیا جو نماز مومن دی معراج اے اتے ایندے ذریعے معاشرہ اخلاقی طور تے مضبوط تھیندے۔ معراج دا واقعہ ݙسیندے جو حق دے راہ اچ مشکلات دے بعد اللہ دی مدد ضرور آندی اے۔ انھاں آکھیا جو آؤ اساں اللہ دے سامݨے سر بسجود تھی تے اپݨے وطن کیتے دعا کروں جو اللہ ایکوں ہمیشہ کیتے امن دا گہوارہ بݨا ݙیوے۔