ڈیووس۔ 21 جنوری (اے پی پی) وفاقی وزیر خزانہ سینیٹر محمد اورنگزیب آکھیے جو پاکستان تے ایشیائی ترقیاتی بینک (ADB) دے تعلقات ہݨ نویں مرحلے اچ داخل تھی ڳئن ۔ توانائی دے نظام اچ بہتری تے معاشی استحکام کیتے اصلاحات دا عمل جاری اے ۔ انھاں اے ڳالھ ڈیووس اچ اے ڈی بی دے صدر ماساتو کانڈا تے مینزیس ایوی ایشن دے چیئرمین حسن الہوری نال ملاقات اچ آکھی۔ اے …
پاکستان تے ایشیائی ترقیاتی بینک دے تعلقات ہݨ نویں تے ودھ سٹریٹجک مرحلے اچ داخل تھی ڳن ، وفاقی وزیر خزانہ محمد اورنگزیب
مزید خبراں
ڈیووس۔ 21 جنوری (اے پی پی) وفاقی وزیر خزانہ سینیٹر محمد اورنگزیب آکھیے جو پاکستان تے ایشیائی ترقیاتی بینک (ADB) دے تعلقات ہݨ نویں مرحلے اچ داخل تھی ڳئن ۔ توانائی دے نظام اچ بہتری تے معاشی استحکام کیتے اصلاحات دا عمل جاری اے ۔ انھاں اے ڳالھ ڈیووس اچ اے ڈی بی دے صدر ماساتو کانڈا تے مینزیس ایوی ایشن دے چیئرمین حسن الہوری نال ملاقات اچ آکھی۔ اے ڈی بی دے صدر آکھیا جو پاکستان معاشی تبدیلی دے مرحلے اچ اے جتھاں مارکیٹ دا اعتماد ودھدا پئے ۔ محمد اورنگزیب بینک دی حمایت تے شکریہ ادا کیتا تے مہنگائی اچ ڳھٹکی تے زرمبادلہ دے ذخائر اچ بہتری دا ذکر کیتا۔ انھاں نجکاری دے حکومتی اقدامات بارے وی ݙسایا۔ سینیٹر محمد اورنگزیب اے ڈی بی دے صدر دے مسلسل تعاون تے رہنمائی تے شکریہ ادا کریندے ہوئیں آکھیے جو پاکستان تے ایشیائی ترقیاتی بینک دے تعلقات ہݨ ہک نویں تے زیادہ سٹریٹجک مرحلے اچ داخل تھی ڳئن۔ انھاں ݙسایا جو گزشتہ ہک سال توں پاکستان اچ مجموعی معاشی استحکام دے پاسے نمایاں ترقی تھئی اے جیہڑی جو حالی وی جاری اے پئی۔وزیر خزانہ مہنگائی اچ کمی، شرحِ سود اچ نرمی، زرمبادلہ دے ذخائر اچ بہتری تے سرمایہ کاراں دے اعتماد اچ اضافے وانڳوں مثبت اشاریاں دا ذکر کیتا اتے بینک دے صدر کوں ملک اچ جاری ڈھانچہ جاتی اصلاحات دی پیشرفت دا وی ݙسیا۔ انھاں نجکاری تے نجی شعبے دی شمولیت بارے حکومتی اقدامات تے وی روشنی پاتی۔ وزیر خزانہ ݙسایا جو حالیہ اقدامات دی وجہ توں مارکیٹ اچ مثبت ردعمل سامݨے آئے تے مختلف شعبیاں اچ مزید منصوبے غور ہیٹھ ہن۔ وزیر خزانہ ترقیاتی شراکت داراں، خاص طور تے اے ڈی بی دے نال قریبی تعاون تے پاکستان دی معاشی صلاحیت کوں ورتݨ دی اہمیت کوں اجاگر کیتا۔ ملاقات دے دوران توانائی دے شعبے اچ اصلاحات، جدید کاری تے صاف و پائیدار توانائی دے فروغ تے وی ڳالھ مہاڑ تھئی۔ وزیر خزانہ آکھیا جو توانائی دے نظام اچ بہتری، کارکردگی اچ اضافے تے لمبی مدت دے معاشی استحکام کیتے اصلاحاتی اقدامات جاری ہن۔ ݙوہیں پاسوں ایں ڳالھ تے اتفاق کیتا ڳیا جو انھاں شعبیاں اچ عملی تے قابلِ عمل حل کیتے قریبی رابطہ رکھا تھیسی۔ مینزیس ایوی ایشن دے چیئرمین نال ملاقات اچ انھاں ہوائی اݙیاں دے انتظامات آؤٹ سورس کرݨ تے پی آئی اے دی نجکاری تے ڳالھ کیتی۔ حسن الہوری پاکستان کوں سرمایہ کاری کیتے ہک پرکشش ملک قرار ݙتا۔
